Luke 11:28 - Hawaii Pidgin Bible

²⁸ But Jesus tell, “Da peopo dat hear wat God tell um fo do, an do um, dey da ones dat stay real good inside!”

Luke 11:28 Referans Kwoze

Luke 8:21

Jesus tell da guy, “My muddah an my braddahs, aah? Da peopo dat hear wat God tell an do um, dey da ones az my muddah an braddahs fo real kine.”

Songs 112:1

Eh you guys! Tell good tings Bout Da One In Charge! Anybody dat get choke respeck Fo Da One In Charge, An fo shua like do Wateva Da One In Charge tell um fo do, Dey goin stay real good inside.

John 13:17

You guys know all dis stuffs. So, if you guys do um, you guys goin stay good inside.

Songs 128:1

All da peopo dat feel jalike dey sked Weneva dey come In front Da One In Charge, An dat live da way he like dem fo live, Dey can stay good inside.

Jesus Show 22:14

“Erybody dat wash dea clotheses clean, dey can stay good inside, cuz dey get da right fo eat from da tree dat make peopo come alive fo real kine. An fo go inside God big town thru da gate.

Smart Guys 8:32

“My kids, I tell dem, ‘You betta lissen good now!’ Da peopo dat do jalike how I stay do, Dey can stay good inside!

Smart Guys 19:16

Whoeva make shua dey do wat da Rules from God tell, Same time, dey goin take kea dea life too. Somebody no kea how dey ack, Dey goin get cut off from God foeva.

Jesus Show 1:3

Whoeva read dis book to odda peopo, an erybody dat lissen da stuff dat God tell goin happen, an do wat da book tell um fo do, dey goin stay good inside, cuz az time awready fo dat happen.