Luke 1:58 - Hawaii Pidgin Bible

⁵⁸ Da peopo from ova dea an her ohana hear how Da One In Charge do plenny fo Elizabet cuz he get pity fo her, an dey all come real good inside wit her.

Luke 1:58 Referans Kwoze

Rome 12:15

Wen odda peopo feel real good inside, you feel good inside wit um—an wen dey cry, you cry wit um.

Luke 1:25

She tell, “Da One In Charge wen do dis fo me. He wen show me he goin do someting good fo me, an he goin take away my shame wit da peopo!”

Luke 1:14

You goin stay real good inside cuz a him, an plenny peopo goin stay good inside cuz he born.

1 Corint 12:26

If one part a da body suffa, all da odda parts suffa, same time. If one part a da body stay awesome, all da odda parts feel good, same time.

Songs 113:9

Da One In Charge make da wahines Dat no can get kids stay good inside, Cuz he give um dea home, An now dey get kids. Eh you guys! Tell good tings Bout Da One In Charge!

Start 21:6

Sarah, she tell, “God make me feel good inside. An I can laugh now, Cuz I get one bebe! Erybody dat find out bout dis goin feel good an laugh jalike me!

Start 19:19

You wen like help me, an I jalike yoa slave guy, an you wen stay tight wit me plenny, an cuz a you I stay alive still yet. But me, no way I can run all da way mauka side fo dis horraz ting catch me an kill me.

Luke 1:57

Da time come fo Elizabet fo born her bebe, an she born her boy.

Luke 14:12

Den Jesus tell da guy dat wen tell um fo come his place fo eat, “Wen you make one lunch o one dinna, no tell yoa frenz, o yoa braddahs, o yoa ohana, o da rich guys nex door fo come. You do dat, an bumbye dey goin tell you fo come dea house, an dat goin pay you back fo wat you wen do.

Smart Guys 23:25

Good, yoa faddah-muddah guys like dance an sing lidat! An da one dat wen born you, I like her feel good inside bout you.