Luke 1:18 - Hawaii Pidgin Bible

¹⁸ Zekariah tell da angel guy, “How I goin know dis fo shua? I one ol man, an my wife, she ol too.”

Luke 1:18 Referans Kwoze

Start 17:17

Den Abraham go down an put his face on top da groun fo show respeck to God. But he laugh same time, cuz inside, he stay tink, “No way! How can?! Me, one hundred year ol, an Sarah, ninety year ol. How us can get kids?!”

Luke 1:34

Mary tell him, “How can? I neva sleep wit one guy.”

2 Kings 7:2

Da govmen guy dat come wit da Israel king tell Elisha, da guy dat stay tight wit God, “Wot! You tink Da One In Charge goin open up windows inside da sky an make food come down jalike rain?! No way!” Elisha tell da officer guy, “Fo shua, you goin see um happen jalike I wen tell. But you, you no goin eat notting from dat!”

Start 15:8

Abram tell um, “You Da One In Charge, you my Boss! Try tell me, how I goin know fo shua you goin give me dis land bumbye?”

Luke 1:7

Dey no mo kids cuz Elizabet no can. Her an Zekariah stay ol now.

Isaiah 38:22

an Hezekiah aks wat kine sign Da One In Charge goin give him dat he goin come good.

Start 18:12

So Sarah laugh inside, cuz she stay figga, “Now I all dry up, an my husban, he ol too! Dis mean, fo real I goin born one bebe an feel good inside, o wat?”

Rome 4:19

Da way Abraham trus God, he no lose fight, no matta he figga, his body litto mo ready fo mahke, cuz he almos hundred year ol, an Sarah, she no can come hapai awready.