Local Leadas 1:12 - Hawaii Pidgin Bible

¹² Wat happen dea, Caleb tell, “I goin give my girl Aksah fo marry da guy dat attack Kiriat-Sefer an take ova.”

Local Leadas 1:12 Referans Kwoze

1 Samuel 17:25

Da Israel guys stay tell, “You see! Erytime dis guy come out to da middo! He come up dis way fo talk big jus fo make us Israel guys come shame! But you know, oua king goin give plenny rich kine stuff to da guy dat kill Goliat. An he goin give da guy his daughtah fo marry. He even goin make um so da guy ohana no gotta pay tax no mo inside Israel.”

1 Samuel 18:23

Az why da helpa guys go talk to David wen da odda peopo no can hear, an tell um wat da king wen tell. But David tell, “You guys tink, az one small kine ting fo marry one wahine from da king ohana, o wat? Cuz I ony one guy dat no mo notting, you know. An I not even importan!”

Joshua 15:15

From dea, Caleb go agains da peopo dat live inside Debir town. Peopo wen call Debir “Kiriat-Sefer” befo time.

Local Leadas 1:11

From dea dey go agains da peopo dat live Debir town (da place get da name Kiriat-Sefer befo time).

Local Leadas 1:13

Otniel, Kenaz boy, him da one take um ova. (Kenaz, he Caleb younga braddah.) So Caleb give his girl Aksah, fo marry Otniel.

Songs 60:9

So! Who goin show me da way fo go To da big town dat get strong wall?! Who goin bring me to da Edom land?!

Jeremiah 29:6

Get married ova dea. Born kids. Find wifes fo yoa boys, an give yoa girls fo marry fo dem born plenny grankids. Make yoa ohanas come mo plenny. No let um come litto bit.