Joshua 19:26 - Hawaii Pidgin Bible

²⁶ Allammelek, Amad, an Mishal. Da edge go by Carmel Mountain an Shihor-Libnat on da west side.

Joshua 19:26 Referans Kwoze

Isaiah 33:9

Even da Judah land look jalike stay sad inside An plenny tired. Lebanon side, da trees look jalike dey come shame, An da leaf look jalike stay dry. Sharon side, no mo rain, Stay jalike da dry Arabah valley. Bashan an Carmel side, Da plants leaf, all stay fall down.

Love Song 7:5

Yoa head awesome an tall, jalike Mount Carmel. Real beautiful, yoa long dark hair. Can make one king yoa prisona wit um.

1 Kings 18:42

Ahab go home fo eat an drink. Elijah, he go back up Mount Carmel to da top. He bend down to da groun, an put his face on his knees.

1 Kings 18:20

So King Ahab sen guys fo go by all da Israel peopo, an fo tell da guys dat talk fo dea gods come togedda Mount Carmel.

Jeremiah 46:18

Da real king get da name Da One In Charge, Da God Ova All Da Armies, an he tell: “Jalike I shua I stay alive, I stay shua one man wit plenny powa goin come, He big, jalike how Mount Tabor stay mo big den all da odda mountains. Big, jalike Mount Carmel by da sea.

Isaiah 37:24

You wen sen guys dat work fo you, Dat wen try make me, da Boss, shame. You wen tell, “Me, Sennakerib, I get plenny war wagon! I can go on top a da high mountains, To da mos far part a da Lebanon mountains, Fo cut down da mos tall cedar trees An da bestes pine trees! Me, I da kine guy can go all da way to da end A da mos high places, Da fores wea da bestes tree grow!

Isaiah 35:2

Goin get flowas all ova da place dea. Da peopo inside da boonies goin dance an sing, An yell cuz dey feel good inside. Goin come awesome dea inside da boonies, Jalike da Lebanon mountain, An jalike Mount Carmel an da Sharon plain. Da peopo dea goin see dat Da One In Charge stay real awesome Dey goin see dat he da king.

1 Records 6:74

From da Asher ohana dey get Mashal, Abdon,

1 Samuel 15:12

Da nex morning early, Samuel get up fo go meet Saul. But da peopo tell, “Saul go Carmel town awready. An you know wat? Ova dea Saul awready wen put up one pile rocks fo erybody no foget dat he da one wen wipe out da Amalek peopo. Den he go da odda way, Gilgal side.”

Joshua 21:30

From da Asher ohana da Levi guys get dese towns: Mishal, Abdon,

Joshua 19:25

Dea south borda go west from Helkat town to Hali, Beten, Akshaf,

Joshua 19:27

Da east borda go north from Helkat to Bet-Dagon, an touch da Zebulun land an da Iftah-El Valley, an north to Bet-Emek an Neiel, an pass Kabul.

1 Kings 18:19

“So now, go sen peopo all ova da Israel land fo bring togedda all da peopo by me on top Mount Carmel. An bring da 450 guys dat talk fo da Baal god, an da 400 guys dat talk fo da Asherah god, dat Jezebel stay give food from her palace!”

Joshua 15:55

Up country Judah towns, southeast from Hebron: Maon, Carmel, Zif, Juttah,

2 Kings 2:25

Den Elisha go on from dea Mount Carmel side, an from ova dea he go back Samaria town.