Joshua 14:11 - Hawaii Pidgin Bible

¹¹ I still yet stay strong, jalike wen Moses wen sen me ova dea. I still stay ready fo go out fight jalike dat time.

Joshua 14:11 Referans Kwoze

Rules Secon Time 34:7

Moses was one hundred an twenny year ol wen he mahke, but his eyes still see good an he still yet stay strong.

Songs 103:5

Da One In Charge give you Da stuff dat make you feel good inside, Cuz he do plenny good tings fo You. No matta you litto mo ol now, He make you come Jalike one young guy one mo time, Jalike one eagle.

Rules Secon Time 31:2

“Me, I one hundred twenny year ol now, an I no can go hea an dea no moa. Da One In Charge tell me, ‘You no goin go da odda side a da Jordan Riva!’

Songs 90:10

Da time us get fo live, ony seventy year, Maybe eighty, if we strong. But no matta how long us guys live, Da bestes year, Still make us guys come real tired An give us plenny humbug. Cuz da year pass real fas, Jalike we fly away.

Joshua 14:10

“Now, jalike Da One In Charge wen promise he goin do, I still yet stay alive afta forty-five year, from da time Da One In Charge tell Moses dat, an afta all da time da Israel peopo move aroun inside da boonies. So I still stay hea today, eighty-five year ol!

Rules Secon Time 33:25

You Asher guys, I like you get iron an bronze bars fo yoa gates, Fo nobody hurt you all da time you stay alive.

Isaiah 40:31

But da peopo dat wait fo Da One In Charge help dem, Dey goin change fo dem come mo strong still yet. Dey goin fly up jalike da eagle Wit dea wide wing. Dey goin run an no come tired. Dey goin walk an no come wore out.”