John 8:37 - Hawaii Pidgin Bible

³⁷ “I know fo shua you guys come from Abraham. But still yet, you guys stay trying fo kill me, cuz you guys no like take da stuff I stay teach.

John 8:37 Referans Kwoze

1 Corint 2:14

Dass why, if get one guy dat no mo God Spirit in charge a him, but ony da spirit dat da peopo inside da world get, dat guy no goin lissen da stuff dat come from God Spirit. He goin figga, “Az wase time!” No way da guy goin undastan. Gotta stay tight wit God Spirit fo figga out if dat kine stuff stay true.

Rome 9:7

An, get plenny peopo dat born from oua ancesta guy Abraham, but not all dem Abraham kids fo real kine too. Dis cuz God wen tell Abraham, “Da ony peopo dat I goin call yoa kids fo real kine goin be da ones dat goin born from yoa boy Isaac.”

John 7:1

Afta dat, Jesus go aroun inside Galilee. Dat time he no like go aroun inside Judea, cuz da Jew leada guys ova dea stay look fo him fo kill um.

John 8:59

Den dem guys go get rocks fo stone Jesus fo kill um. But he hide an go outside from da open lanai fo da Temple.

Jesus Guys 13:26

Den Paul tell, “My braddahs an sistahs, you Abraham kids, an all you guys dass not Jew guys but get choke respeck fo God, God sen all us guys da Good Stuff dat take us outa da bad kine stuff us do.

John 8:43

How come you guys no can undastan da stuff I stay tell you? Cuz you guys no like lissen, dass why!

John 11:53

Dass why, from dat time, da Jew leada guys stay talk togedda how dey goin kill Jesus.

John 7:19

Moses wen give you guys da Rules From God, but no mo nobody from you guys do wat da Rules From God tell um fo do. So, how come you guys try fo kill me?”

John 10:31

One mo time da Jew leada guys pick up stones fo throw um at Jesus fo kill um.

John 8:6

Dey tell dat fo see wat Jesus goin tell, cuz dey like catch um fo bus um. But Jesus bend ova an write someting wit his finga on top da dirt.

John 7:25

Den some peopo from Jerusalem tell, “Eh! Dis da guy dey stay look fo, cuz dey like kill um, aah?

John 5:44

You guys like talk good bout each odda, but you guys no do notting fo make da ony God dass fo real talk good bout you guys. Den how you guys goin trus wat I tell? No ways!

Matthew 13:15

Cuz dis peopo get hard head, Dea ears no can hear good, Dey close dea eyes, Cuz dey no like see fo real kine, Dea ears, dey no like hear fo real kine, Inside dem, dey no like undastan notting. Dey no like change da way dey live, Fo me make um come good.’ “Dass wat God tell.

John 8:33

Dey tell him, “Ho! Us guys come from Abraham! We no was slave guys eva! Wat you mean, ‘No need be slave guys no moa’?”

Matthew 3:9

Eh! No tink, ‘Jus cuz Abraham oua main faddah us guy no goin get punish!’ I stay tell you guys now, God can take dese rocks ova hea an make kids fo Abraham outa dem.

John 8:56

Abraham, dass you guys faddah. He wen stay real good inside wen he find out dat I goin come hea. He wen see dat, an he feel good inside.”

1 John 2:14

I stay write to you small kids Cuz you guys know da Faddah fo real kine. I stay write to you faddah guys, Cuz you guys know da One dat stay from befo time. I stay write to you young guys, Cuz wat God tell stay inside you guys, an you guys strong, An you guys wen fight da Bad Guy, Satan, an win!