John 8:23 - Hawaii Pidgin Bible

²³ Jesus tell dem, “You guys come from down hea, I come from up dea. You guys come from dis world, I no come from dis world.

John 8:23 Referans Kwoze

John 3:31

Da One dat come from up dea wea God stay inside da sky, he mo importan den anybody. Da guy dat come from down hea on top da earth, he jalike all da odda peopo hea on top da earth, an he talk bout da kine stuff from down hea. Da guy from up dea wea God stay inside da sky, fo shua he mo importan den all da odda peopo.

John 17:16

Dey no do same same jalike da odda peopo inside dis world. An I no do same same jalike da odda peopo inside dis world do.

John 17:14

I tell dem wat you wen tell. Da peopo hea inside dis world hate my peopo. Az cuz my peopo no do same same jalike da odda peopo inside dis world do. An me too, I no do same same ting dey do.

James 4:4

You guys, jalike you go fool aroun behind God back! An you guys ack jalike you neva know dis: Whoeva love da bad kine stuff inside da world, fo real, dat guy stay agains God! So, whoeva come frenz wit all da bad kine stuff inside da world, dat guy show dat he stay agains God fo shua!

Songs 17:4

Da way odda peopo ack. Cuz I lissen wat you tell me fo do, I watch how da steala guys make An I watch out fo no make jalike dem.

John 3:13

Nobody eva wen go up inside da sky. Ony me, da Fo Real Kine Guy, I wen come down from da sky.

John 1:14

Dat “God, He Talk” Guy, he come one guy dat get one body jalike us guys get. He stay wit us short time, an us see how awesome he stay. He awesome, cuz he da One an ony Boy dat come from da Faddah. He like do plenny good stuff fo us cuz dass how he stay. Eryting he tell bout God stay fo real.