John 5:9 - Hawaii Pidgin Bible

⁹ Right den an dea da guy come good. He take his mat an walk. Was da Res Day wen dat happen.

John 5:9 Referans Kwoze

John 9:14

Was da Res Day wen Jesus make da mud an make da guy see.

Mark 10:52

Jesus tell um, “Hele on! You wen trus me, dass why you come good awready.” Right den an dea he see, an he go wit Jesus on da road.

Mark 5:29

Right den an dea her bleeding pau, an she no suffa no moa.

Mark 1:42

Right den an dea da lepa guy come good. He no mo da lepa kine sick no moa!

Mark 1:31

Jesus go an take her by da hand an pull her up. Right den da feva pau, an her give dem food.

John 7:23

If you guys can cut skin on one guy on da Res Day fo no broke Moses Rules, how come you guys come huhu wit me cuz I make one sick guy come good on da Res Day?

John 5:14

Bumbye Jesus find da guy inside da open lanai fo da Temple. He tell, “Eh, you stay good now. No go do da bad kine stuff no moa, o mo worse ting goin happen to you.”

Isaiah 35:6

Da peopo dat no can walk, Dey goin jump jalike da deer. Da peopo dat no can talk, Dey goin start fo talk real loud Cuz dey feel good inside. Da watta goin start fo come Outa da pukas all ova da boonies, An streams goin come All ova da up country boonies.

Jeremiah 17:21

Dis da message from Da One In Charge: You betta watch out if you like stay alive! No carry stuff on da Res Day, an no bring stuff inside da Jerusalem gates dat day!