John 4:46 - Hawaii Pidgin Bible

⁴⁶ Den Jesus go Cana town Galilee side one mo time. Dass wea he take da watta an make um come wine befo time. Now, had one leada guy Capernaum town dat work fo da King. His boy stay sick.

John 4:46 Referans Kwoze

Luke 8:42

cuz his ony girl, bout twelve year ol, litto mo mahke ova dea. Wen Jesus stay go, get plenny peopo stay jam him.

Luke 7:2

One captain fo da Rome army guys ova dea get one sick worka guy. Da captain get plenny love an aloha fo him, an da guy litto mo mahke.

Matthew 15:22

Get one wahine dea from da Canaan peopo dat come an yell, “Boss, you from King David ohana. Try pity me an give me chance! My girl get one bad kine spirit dat take ova her an make her suffa plenny.”

Matthew 9:18

Wen he stay tell dat, one leada guy go dea an go down in front Jesus, an tell, “My girl jus mahke. Try come an put yoa hand on top her. Den she goin come back alive.”

Hosea 5:15

Den I goin go back my place, Till dey know dat dey da ones get da blame. Den dey goin turn to me. Cuz dey get trouble, dey goin try real hard fo come tight wit me.”

Songs 50:15

Erytime you get hard time, You gotta aks me fo help you. Den I goin get you outa trouble. An you goin tell peopo How awesome I stay.”

John 21:2

Some a Jesus guys come togedda. Get Simon Peter, an Thomas da guy dey call Da Twin, Natanael da guy from Cana town Galilee side, an Zebedee two boys, plus two odda guys dat Jesus stay teach.

Songs 78:34

But afta God kill some a dea peopo, Da ones dat still stay alive Change dea mind. Dey like know God Jalike dey wen know um befo time.

Joshua 19:28

Den go by Abdon, Rehob, Hammon, Kanah, an go nea da districk aroun Sidon town.

Matthew 4:13

He go Nazaret town, an den go from dea, an make house inside Capernaum. Dass one town by da lake side, ova dea Zebulun an Naftali ohana land side.

Luke 4:23

Jesus tell, “Fo shua you goin tell me wat oua ancesta guys tell, ‘Eh Docta! Make um so you come good! Do da same ting ova hea in yoa home town, jalike we hear you wen do inside Capernaum.’

John 2:12

Afta dat, Jesus, his muddah, his braddahs, an da guys he stay teach, dey go down Capernaum town. But dey ony stay dea short time.