John 4:10 - Hawaii Pidgin Bible

¹⁰ Jesus tell, “You donno wat God like give erybody, an you donno who me dat stay aks you fo da watta. Cuz if you know dat, den fo shua you goin aks me fo watta. An one mo ting, I can give you da kine watta dat make peopo live fo real kine foeva!”

John 4:10 Referans Kwoze

John 4:14

But whoeva drink da kine watta I goin give, dey no goin come thirsty no moa. Cuz da kine watta I goin give dem goin come jalike watta dat stay come out all da time. An dat watta goin make dem live to da max foeva!”

Jesus Show 7:17

Cuz da Bebe Sheep Guy Dat sit in da middo a da throne, He goin take kea dem Jalike one sheep farma dat take kea his sheeps. He goin bring dem by da puka Fo da watta dat make peopo get life fo real kine. An God goin wipe away all dea tears from dea eyes.”

Isaiah 44:3

I goin pour rain on top da thirsty peopo. I goin make plenny watta come on top da dry groun. I goin pour my Spirit inside yoa kids Fo take charge a dem. I goin do plenny good kine stuff Fo da peopo dat goin come from you.

Jesus Show 21:6

Den he tell me, “Dass it! Eryting pau! Me, da One wen do all dese tings, from firs to las, A to Z. Whoeva stay thirsty, I goin give um watta fo drink from da puka fo da watta dat make peopo get life fo real kine, an no need pay.

John 3:16

“God get plenny love an aloha fo da peopo inside da world. Dass why he sen me, his one an ony Boy. Cuz a dat, erybody dat trus me no goin get cut off from God foeva! Dey goin get da real kine life dat goin stay to da max foeva!

Jeremiah 2:13

“My peopo wen do two real bad tings: Numba one, dey wen bag from me, No matta I jalike one watta spring Wea da watta come out all da time An make peopo come alive. Numba two, dey go wit odda gods, dass good fo notting. Jalike dey dig big holes fo hold watta, But no can hold da watta!

Jesus Show 22:17

Bumbye da peopo dat stay spesho fo God goin come togedda wit me, jalike wen one wahine marry one guy. So da Good An Spesho Spirit an God peopo, dey tell, ‘Try come!’ Erybody dat hear dat, tell ‘Try come!’ too. Whoeva stay thirsty let um come, an whoeva like, let um take da watta dat make um come alive fo real kine, an no goin cost dem notting.”

Zekariah 14:8

Dat time, fresh watta goin come out from Jerusalem. Da watta goin go half da Big Salt Lake on da east side, an half goin go da Mediterranean Sea on da west side, no matta summa time o winta time.

Rome 8:32

God neva even hold back his Boy. He wen make um come one sacrifice fo help all us guys. God wen give his Boy fo mahke fo us. Dat mean God no hold back notting. He give us ery good ting to da max!

1 Corint 10:4

an dey all wen drink da same watta dat God Spirit wen give um fo drink. Wat dey wen drink wen come outa one big rock dat God Spirit wen give um. Jalike dat rock was dea ery place dey go, Christ was dea too.

Isaiah 12:3

Bumbye, all you guys goin feel good inside, Cuz Da One In Charge get you guys outa trouble, Jalike you guys stay good inside Wen you like drink watta, An you get um outa one puka.

John 6:35

Jesus tell, “Me, jalike da bread. I da One make da peopo come alive fo real kine. Anybody come by me fo be my guy, dey no goin come hungry eva! Anybody trus me, dey no goin come thirsty eva!

Isaiah 49:10

Dey no goin come hungry o thirsty. Da hot an dry sun no goin burn dem. Me, Da One In Charge, da One dat get love an aloha fo dem, I goin give dem chance, An show dem wea fo go, An bring dem wea get pukas fo watta.

Zekariah 13:1

Da One In Charge tell dis: “Dat time, jalike God goin open one puka fo watta fo da David ohana an da peopo inside Jerusalem. An from dat watta, dey goin make dea peopo come clean inside from all da bad an pilau kine stuff dey wen do.”

John 17:3

Dis wat da kine life mean dat stay fo real kine foeva: dat da peopo dat get dat kine life know you, da ony God dass fo real, an dat dey know me too, Jesus Christ, da Spesho Guy You Wen Sen.

John 6:51

I da real bread. I da one fo make peopo come alive fo real kine. I wen come down from da sky. Anybody take dis bread, dey goin live to da max foeva. Dis da bread I goin give wen I mahke, az my body. An dis goin make you guys live to da max foeva.”

Isaiah 43:20

Da wild animals ova dea show respeck fo me, Da jackal kine dogs, an da ostrich bird, Cuz I give dem watta fo drink inside da boonies, An streams wea nobody live, Fo give watta fo drink to my peopo, Da ones I wen pick.

Isaiah 35:6

Da peopo dat no can walk, Dey goin jump jalike da deer. Da peopo dat no can talk, Dey goin start fo talk real loud Cuz dey feel good inside. Da watta goin start fo come Outa da pukas all ova da boonies, An streams goin come All ova da up country boonies.

Songs 46:4

Da peopo stay live inside da big town Wea get one riva. Dass wea da God Dass Mo Importan Den All Da Odda Gods Get his spesho place. Da peopo ova dea, dey feel real good Cuz a da watta from da riva.

Outa Egypt 17:6

Dis wat I goin do. Wen you get dea, I goin be ova dea, standing in front you, by da big rock Horeb side. (Horeb, dass anodda name fo Mount Sinai, you know.) Hit da big rock wit yoa stick fo walk fo get watta come outa da big rock. Den da peopo goin drink da watta.” Dass wat Moses do, an da older leada guys from da Israel peopo stay watch him.

2 Corint 9:15

“Mahalo plenny” to God fo Jesus! He da awesome gif God wen give us, an dat worth mo plenny den anyting.

Luke 11:13

Eh, even if you guys bad peopo, you know how fo give good kine stuff to yoa kids. Fo shua den, yoa Faddah inside da sky, he erytime good, an he goin give his Good An Spesho Spirit to you guys cuz you go aks him fo um.”

Isaiah 42:6

“Me, Da One In Charge, I da One Do right wen I call you. I goin hold yoa hand fo make you stay strong. I goin take kea you. I goin make you fo be da one Fo make one deal fo all da peopos, An fo be jalike one light Fo all da nations.

Efesus 2:8

Cuz God like do plenny fo you guys, an dass how he stay, he stay hemo you guys from da bad kine stuff you do if you trus him. No mo notting you guys can do fo make dis happen. God make um lidis fo you guys jalike he give you one spesho present.

1 Corint 1:30

You guys know how come you stay tight wit Jesus Christ? Az cuz God like um fo be lidat, dass why! God, he make Jesus da One fo make us guys know wat fo do erytime. An Jesus make us get um right wit God, an stay spesho fo God, an hemo us guys from da powa da bad kine stuff wen get ova us!

Isaiah 9:6

Cuz one bebe goin born fo us guys, One boy dat God give us. Da govmen goin be his kuleana. Dis da name peopo goin give him: “Da Awesome One Dat show us da bestes tings fo do. Da God dat get all da powa. Da Faddah dat stay foeva. Da Leada dat make us come so notting bodda us.”

1 John 5:20

We know dat God Boy wen come an help us guys fo undastan. Az how we know da real God. Us guys stay tight wit da One dass da real God—wit God Boy Jesus, da Spesho Guy God Wen Sen. Dass da real God, an dass da real kine life dat goin stay to da max foeva!

John 16:3

Dey goin make lidat to you guys cuz dey donno my Faddah an dey donno me.

Jesus Guys 9:11

Da One In Charge tell, “Go da guy Judas house on Strait Street, an tell him you like talk to one guy Saul from Tarsus. He stay pray ova dea.

Songs 10:17

But wen da peopo dat suffa Like fo you help dem, You, Da One In Charge, lissen dem real good. You goin make dem come all solid inside. You goin hear wat dey tell An goin do um.

Love Song 4:15

You jalike one fountain dat watta da gardens, One puka wit plenny watta, Dat come down from Lebanon.

Hebrews 6:4

No ways get chance fo peopo come sorry fo da bad kine stuff dey do wen dey spock da trut dat come from up dea inside da sky. An dey start fo taste da good stuff God wen give um an da Good An Spesho Spirit.

Ezekiel 16:35

“ ‘Eh, you Jerusalem peopo dat fool aroun wit da odda gods jalike one hoa! Lissen wat me Da One In Charge, da Boss, tell!