John 21:1 - Hawaii Pidgin Bible

¹ An den, afta dat, Jesus let his guys see him one mo time. Dis happen by Lake Tiberias, da Galilee Lake. Dis wat wen happen:

John 21:1 Referans Kwoze

John 6:1

Afta dat Jesus dem go da odda side Galilee Lake. (Da peopo call um Tiberias Lake too.)

John 6:23

Dey know too dat odda boats from Tiberias side come land dat side, nea da place wea Jesus Da One In Charge tell God “Mahalo plenny” an dey eat da bread.

Matthew 28:16

Den Jesus eleven guys go Galilee side, to da mountain wea Jesus wen tell um fo go.

Matthew 28:7

Den hurry up! Go tell da guys he wen teach, dat God make him come back alive from mahke awready. An you know, he goin go Galilee side firs, den you guys suppose to go ova dea too. Dass da place wea you guys goin see him. Lissen up! Dass wat I suppose to tell you guys.”

Matthew 26:32

But I goin come back alive afta I mahke, an den, I goin go Galilee side. Den you guys goin come by me ova dea.”

John 21:14

Az was three time Jesus let da guys see him afta he come back alive from mahke.

Mark 16:12

Afta dat Jesus show up by two a his guys dat stay walking in da countryside. An he look diffren.

Mark 16:7

Den, go tell his guys an Peter, ‘Jesus goin go Galilee side befo you guys go dea. Dass da place wea you guys goin see him, jalike he wen tell you guys.’ ”

Mark 16:14

Layta Jesus show up by his eleven guys wen dey stay eating. He scold um, cuz dey neva trus wat da oddas tell an dey real hard head. Dey no like tink az fo real kine wat da odda peopo tell, da ones dat wen see him afta he come back alive.

Jesus Guys 1:3

Afta Jesus suffa, he let da guys he wen pick see him, an he show proof dat he stay alive fo real kine. He stay show up by dem fo forty days, an tell um how eryting stay wen God stay king.