John 20:9 - Hawaii Pidgin Bible

⁹ Cuz us guys still yet neva undastan wat da Bible tell from befo time dat Jesus gotta come back alive from mahke.

John 20:9 Referans Kwoze

Songs 16:10

Cuz you no goin leave me Inside da Mahke Peopo Place. I stay tight wit you, Az why you no goin make me know How stay, inside da grave.

Isaiah 25:8

Da One In Charge a me stay make peopo So dey no goin mahke no moa, eva. Dey all stay cry now, But he goin wipe off da tears from dea face. Da peopo dat get Da One In Charge fo dea God, Dey all shame now, all ova da world. But he goin take away all dat shame. Dass wat Da One In Charge tell.

Isaiah 26:19

Yoa mahke guys goin come alive one mo time! Da mahke bodies a my peopo goin come up! All you guys dat was inside da dirt, Wake up an yell cuz you feel good inside! Da mahke spirits goin come alive one mo time, All new, jalike da watta dat come on top da grass Wen da light come, morning time, An jalike da earth wen make um come up.

1 Corint 15:4

Dey wen bury him. Den, day numba three, Christ wen come back alive, jalike da Bible tell from befo time.

Luke 24:26

Dey tell dat da Spesho Guy God Goin Sen gotta suffa all dis kine stuff, an afta, he goin come real awesome, aah?”

Matthew 22:29

Jesus tell um, “Eh, you guys all jam up, you know. Cuz you donno wat da Bible tell from befo time, az why, an you donno da powa God get.

Hosea 13:14

You tink I goin pay da price fo dem So da Mahke Peopo Place no mo powa ova dem? No ways! You tink I goin pay fo dem no mahke? Not even! Az da real bad kine sick goin make dem mahke! Da Mahke Peopo Place goin wipe dem out! No way I goin show dem pity!

John 2:22

So den bumbye, wen Jesus mahke an come back alive, his guys no foget dat he wen tell um dat, an dey trus wat da Bible tell from befo time, an wat Jesus tell.

Luke 9:45

But Jesus guys donno wat dat mean. God no let dem undastan till layta, an dey sked fo aks Jesus bout dat.

Songs 22:15

Befo time, strong, me. But now I all weak, Jalike wen da mud dry up from da sun. My tongue stay real dry, az why I no can move um. You wen throw me down on top da dirt fo me mahke dea!

Jesus Guys 2:24

But God make him come back alive one mo time from mahke. He no need suffa an mahke one mo time, cuz a wat God wen do. He no can stay mahke cuz he mo strong.

Jesus Guys 17:3

He teach um an show um dat da Spesho Guy God Wen Sen gotta suffa an come back alive from mahke. He tell, “Dis guy Jesus I stay tell you guys bout, he da Spesho Guy God Wen Sen.”