John 20:29 - Hawaii Pidgin Bible

²⁹ Jesus tell him, “Thomas, cuz you see me, you stay shua I alive. Goin get peopo dat neva see me, but dey goin come shua I alive too. Dey da ones goin stay good inside.”

John 20:29 Referans Kwoze

1 Peter 1:8

No matta you guys neva see Jesus, still yet you get love an aloha fo him. You guys still no can see him, but still yet you guys trus him. You guys feel real good inside, mo plenny den you can tell.

2 Corint 5:7

Da way we live, we trus God erytime, no matta no can see him.

Hebrews 11:1

Wen we trus God, dat mean we stay shua bout da stuff we stay wait fo. Wen we trus God, we know dat God goin do dat stuff bumbye, no matta we no see um right now.

Hebrews 11:27

Cuz Moses wen trus God, dass why he go outa Egypt. An wen he go, he no sked da king, no matta da king plenny huhu wit him. Moses wen hang in dea, cuz jalike he see God, da One nobody can see.

Luke 1:45

Da One In Charge stay do plenny good stuff fo you, cuz you stay shua dat da ting he tell goin happen.”

John 4:48

Jesus tell him, “If you guys no see me show you all kine awesome stuff, you guys no like trus me.”

John 20:8

Den me, dat wen come dea firs, I go inside too. An I see wat stay dea, an I come shua bout wat Jesus tell befo time, dat he goin come back alive.

Hebrews 11:39

An all dose peopo, God tell dey good peopo cuz dey wen trus him. Still yet, dey neva get da tings God wen promise um.

Matthew 13:16

“But you guys, you stay good inside cuz yoa eyes can see fo real an yoa ears can hear fo real.

John 20:28

Thomas tell Jesus, “You, you Da One In Charge a me! You my God!”