John 20:25 - Hawaii Pidgin Bible

²⁵ Dass why da odda guys tell um, “Eh, us guys wen see Da One In Charge, you know.” But he tell um, “If I no see da puka from da nails inside Jesus hands, an put my finga inside da puka in his side, no way I goin come shua he alive fo real kine!”

John 20:25 Referans Kwoze

John 6:30

Dey tell, “Wat kine awesome ting you goin do fo show us who you, fo us guys trus you? Wat you goin do?

Mark 16:11

Wen dey hear dat Jesus stay alive, an dat Mary wen see him, dey no tink wat she tell stay fo real kine.

Hebrews 3:18

Who da peopo God stay talking bout wen he make dis strong promise: “No way dem guys eva goin go inside da land I give um fo res”? Az da peopo dat no like lissen him.

Hebrews 3:12

Eh, my braddahs an sistahs, watch out! Make shua dat nobody get one pilau kine attitude, da kine wea dey no trus God, an da kine attitude wea dey tell God, da One dat stay alive fo real kine, “Laytas wit you!”

John 21:7

Me, I was dea too. I da guy dat Jesus get plenny love an aloha fo. I tell Peter, “Eh! Dass Da One In Charge!” Wen Simon Peter hear dat, he put on his shirt dat he take off befo he go work, an den he jump outa da boat fo swim quick to da beach,

John 1:41

Da firs ting Andrew do, he find his braddah Simon an tell him, “Us wen find da Messiah.” (“Messiah,” dat mean “da Christ Guy, da Spesho Guy God Wen Sen,” dea language.)

Luke 24:25

Den Jesus tell da two guys, “You guys no tink! You hard head, cuz you guys no trus all da stuff da guys dat wen talk fo God tell!

Matthew 27:42

“He wen get odda guys outa da stuff dey stay in, but he no can get outa dis! If he da King fo da Israel peopo, kay den, us like see him come down from da cross now! Den we goin trus him!

Songs 78:32

But no matta wat God do, Da peopo still yet do bad kine stuff. Dey no trus God, even afta Dey see da awesome tings he do.

Job 9:16

Even if I make him go in front one judge, an he go dea, I no stay shua he goin show up an lissen me.

Songs 22:16

Da bad guys come all aroun me Jalike wild dogs dat stick togedda. Jalike one gang, dey come close fo hurt me. Jalike one lion, dey rip into my hands an feets.

Mark 16:13

Da two guys go back, an tell da odda braddahs an sistahs. But still yet da odda peopo no tink az fo real kine wat da guys tell um.

Mark 16:14

Layta Jesus show up by his eleven guys wen dey stay eating. He scold um, cuz dey neva trus wat da oddas tell an dey real hard head. Dey no like tink az fo real kine wat da odda peopo tell, da ones dat wen see him afta he come back alive.

John 20:27

Den he tell Thomas, “Put yoa finga ova hea an check out my hands. Put out yoa hand, an touch my side. Now, no tell you no stay shua I alive fo real kine. Come shua!”