John 19:28 - Hawaii Pidgin Bible

²⁸ Afta dat, Jesus know dat he awready do eryting he suppose to do. Den fo make happen eryting da Bible tell befo time, he tell, “I thirsty!”

John 19:28 Referans Kwoze

Songs 69:21

Fo food, dey give me poison Dat taste bad, Wen I stay thirsty, Dey make me drink vinega.

Songs 22:15

Befo time, strong, me. But now I all weak, Jalike wen da mud dry up from da sun. My tongue stay real dry, az why I no can move um. You wen throw me down on top da dirt fo me mahke dea!

John 19:30

Wen Jesus taste da cheap wine he tell, “Eryting pau awready!” An he bend down his head, an den let go his spirit.

Luke 22:37

Cuz I stay tell you, da place inside da Bible dat tell, ‘Dey wen put him wit da crooks,’ dass da way gotta happen to me. Wat da Bible wen tell bout me befo time, eryting stay happen jus lidat.”

John 19:24

So dey tell, “Mo betta no broke up da robe. We go throw da dice fo um, aah? Fo find out who goin get um.” Dat was fo make happen jalike da Bible tell from befo time: “Dey split my clotheses. An my robe, dey throw da dice fo um.” So dass wat da army guys do.

Luke 18:31

Jesus take his twelve guys by da side a da road, an tell um, “Eh, lissen, us goin go Jerusalem. I da Fo Real Kine Guy, an eryting da guys dat wen talk fo God befo time wen tell bout me, goin happen.

John 18:4

Jesus know all da stuff dat goin happen to him, so he go by dem an aks dem, “Who you guys stay looking fo?”

John 13:1

Was jus befo da Passova time. Jesus know dat was time fo him fo go outa dis world, an go by his Faddah. He erytime get love an aloha fo his peopo dat stay inside da world, an he get love an aloha fo dem to da max.

Jesus Guys 13:29

Wen dey kill Jesus, dat happen jalike da Bible tell befo time. An afta, dey take him down from da cross an put him inside one tomb.

Luke 9:31

Dey awesome. Dey talk bout how Jesus goin do eryting dat God make one plan fo him do, cuz pretty soon he goin mahke Jerusalem side.

Luke 12:50

But firs I gotta suffa plenny, an I get hard time now till dat pau.

John 4:34

Jesus tell, “I do wat God like, an I do all his work. Dass jalike food fo me.

John 17:4

I wen show da peopo hea inside da world how awesome you stay. I wen do all da stuff dat you wen tell me fo do.

John 19:36

All dis happen jalike da Bible tell befo time, “Not even one bone goin get broke.”