John 19:27 - Hawaii Pidgin Bible

²⁷ Den Jesus tell me, “Eh! Make her jalike yoa muddah now.” An I take her to my place from dat time.

John 19:27 Referans Kwoze

John 16:32

You know wat? Da time goin come, an almos stay hea now, wen all you guys goin bag, an scatta all ova da place. Erybody goin go his place, an I no goin stay by nobody. But I no stay by nobody, cuz my Faddah stay by me.

John 1:11

He come his country, but even his peopo neva come tight wit him.

Start 45:8

Az why no was you guys dat wen sen me ova hea. Was God! He make me jalike I one faddah guy fo da king, dass da Pharaoh guy. I da boss fo all his ohana peopo, an I stay in charge a da whole Egypt land.

Mark 3:34

He look all da guys dat stay sit aroun him, an tell, “Look! Hea, dese guys my muddah! An dese guys, dey my braddahs an sistahs, fo real kine!

Matthew 25:40

“Me, da King, I goin tell, ‘Dass it! I tell you guys fo shua, wateva you guys wen do fo one a my braddahs, no matta peopo tink da guy not importan, was me you guys do um fo.’

Start 47:12

Joseph even take kea his faddah an his braddah guys, an all da ohana peopo dat come from his faddah. He give um food ova an ova fo dem no mahke.

Luke 18:28

Den Peter tell, “Eh Boss, look! Us guys wen leave eryting we get fo go wit you.”

Jesus Guys 21:6

Afta we tell each odda aloha, we go on top da boat, an dey go home.