John 19:15 - Hawaii Pidgin Bible

¹⁵ But dey make big noise an yell, “Hang um up! Hang um up! Kill da buggah on top one cross!” Pilate tell um, “Wot! You like me kill yoa king?!” Da Main Pries guys tell, “Us guys, we no mo anodda king, ony King Cesar!”

John 19:15 Referans Kwoze

Luke 23:18

All da peopo was yelling, “Kill Jesus! Let Barabbas go fo us!”

Jesus Guys 22:22

Da peopo lissen Paul till he tell dat. Den dey start fo yell, “Kill um! Mo betta he no stay no moa!”

Jesus Guys 21:36

All da peopo dat go wit dem yell, “Kill um!”

John 19:6

Wen da Main Pries guys an da police guys see Jesus, dey make big noise, an dey yell, “Kill da buggah on top one cross! Kill da buggah on top one cross!” Pilate tell, “You guys take him an kill um on top one cross! I no find notting bad he wen do dat I gotta punish him.”

Start 49:10

Judah guys goin carry da spesho stick fo show peopo dey da king, Da Judah ohana goin keep dat stick foeva. Till da real owna show up Dass goin be da one Dat da odda peopos goin do wat he tell um fo do.

John 18:31

Den Pilate tell dem, “Take him den an judge him jalike how yoa Rules tell you gotta do.” Da pries guys tell Pilate, “Us guys no can do dat, cuz us guys no mo da right fo kill nobody da Rome way, on top one cross.”

Matthew 22:17

So, wat? da Rules From God tell, az right fo pay King Cesar da tax money, o wat?”

Jesus Guys 13:28

Dey neva find notting wrong dat show he gotta mahke, but dey tell Pilate fo kill um.