John 18:40 - Hawaii Pidgin Bible

⁴⁰ Dey all yell an tell, “Not dis guy! Us like Barabbas!” But Barabbas, he one mean crook.

John 18:40 Referans Kwoze

Luke 23:25

He let Barabbas go, da guy dey pick, dat wen make da peopo beef da govmen an kill one guy. An he give Jesus to dem fo dem do wat dey like do to him.

Mark 15:15

Pilate like make da peopo stay good inside. Az why he let Barabbas go fo dem. He tell da army guys fo whip Jesus an den kill him on top one cross.

Mark 15:7

Had one guy Barabbas dat stay inside da prison wit all da odda terroris guys dat wen kill peopo wen dey beef da Rome army guys.

Matthew 27:26

Den Pilate tell da army guys, “Let Barabbas go. Whip Jesus. Den kill um on top one cross.”

Matthew 27:16

Had one guy Barabbas dat stay inside da prison. All da peopo know bout him.

Matthew 26:55

Right den an dea, Jesus tell all da peopo, “You guys tink I one crook, o wat? You guys tink you gotta come afta me wit swords an clubs fo bus me? Eh, I was wit you guys fo teach you inside da open lanai fo da temple ery day, an you neva bus me dat time.