John 18:30 - Hawaii Pidgin Bible

³⁰ Dey tell him, “Dis buggah one crook. Us guys goin turn him ova to you.”

John 18:30 Referans Kwoze

Jesus Guys 3:13

Da same God dat Abraham, Isaac, an Jacob wen pray to, he da same God dat all oua ancesta guys pray to. He da One make dis guy come good. He da One make Jesus, his helpa guy, come awesome to da max. You guys wen turn ova Jesus fo dem kill um. No matta Pilate like let him go, but den you guys wen tell in front Pilate dat Jesus not da one you guys pick.

John 19:12

From dat time, Pilate try fo let him go. But da Jews make big noise an yell, “If you let dis guy go, you not King Cesar fren. If anybody like come one king, he agains King Cesar.”

Luke 24:7

He tell, ‘I Da Fo Real Kine Guy. Dey gotta turn me ova to da bad guys. An dey goin kill me on top one cross. But day numba three, I goin come back alive!’ ”

Mark 15:3

Da Main Pries guys poin finga Jesus plenny an tell he wen do plenny bad kine stuff.

Mark 10:33

He tell, “Eh, lissen up. We goin go Jerusalem. I da Fo Real Kine Guy. One guy goin set me up fo da Main Pries guys an da guys dat teach da Rules From God grab me. Den dey goin tell I gotta mahke. Dey goin give me to da guys dass not Jew guys.

John 18:29

Den Govna Pilate go outside wea da Jews stay. He tell dem, “Wat you guys get agains dis guy?”

John 18:31

Den Pilate tell dem, “Take him den an judge him jalike how yoa Rules tell you gotta do.” Da pries guys tell Pilate, “Us guys no can do dat, cuz us guys no mo da right fo kill nobody da Rome way, on top one cross.”

2 Timoty 2:9

Wen I tell peopo dis, dey make me suffa. Sometimes dey even tie me up wit chains jalike I one crook. But you know wat? No can tie up da stuff God tell wit one chain!

1 Peter 4:15

If you suffa, no good if you suffa cuz you wen kill somebody, o cuz you steal someting, o cuz you one crook, o cuz you niele bout odda peopo stuffs.