John 17:17 - Hawaii Pidgin Bible

¹⁷ “Make dem good an spesho fo you, cuz dey know wat you tell, an you erytime tell da trut.

John 17:17 Referans Kwoze

John 15:3

“From da stuff I stay tell you, you guys stay clean inside awready, jalike da branches da grape farma guy trim.

Songs 119:160

All da tings you tell, Stay true fo real! Eryting you tell stay right, An stay foeva, cuz you da judge.

Efesus 5:26

Christ do all dat fo make dem good an spesho fo God cuz jalike he wash um an clean um up inside wit watta. Da stuff Christ tell um, dass wat make dem come clean inside.

John 17:19

Dass why I stay good an spesho fo you, fo dem guys be good an spesho fo you too. Da true stuff you tell, dass wat goin make dem go all out fo you.

John 8:32

You guys goin know da true stuff, an den you guys no need be slave guys no moa.”

James 1:21

So den, clean up yoa life! Throw out all da bad kine stuff dat stay all ova da place! No get big head. Mo betta lissen wat God tell. He wen put da tings he tell inside you guys head awready, an dass strong enuff fo get you guys outa da bad kine stuff you stay in.

2 Tessalonika 2:13

Eh my braddahs an sistahs! Good us erytime tell God “Mahalo plenny” wen we tink bout you guys. Da One In Charge get plenny love an aloha fo you guys, you know! From da start, God wen pick you guys fo take you outa da bad kine stuff you wen do befo time. Dat mean, God Spirit goin make you guys be good an spesho fo him, an help you guys stay trus da stuff dat stay true.

Songs 119:11

Da tings you tell, I keep um inside me, Cuz dey real importan fo me. So den bumbye I no go do notting bad An go agains you.

Efesus 4:21

Fo shua you guys wen hear bout Christ, an dey wen teach you guys da true stuff dat ony come from Jesus cuz you his guys.

Songs 119:9

Fo one young guy, How he goin make shua He no goin do notting pilau kine, All da time he stay alive? He gotta make shua he do Eryting you tell um fo do! Az how.

Songs 119:104

Da tings you tell me I gotta do Help me fo undastan all kine stuff. Dass why piss me off Da way some peopo bulai odda peopo.

Songs 12:6

An you know, wen Da One In Charge make one promise, Eryting he tell, stay right on, Jalike da kine silva dey melt seven time Fo take out all da junks.

Luke 8:15

But ho! Da seeds dat fall down inside da good dirt, dass jalike da peopo dat hear wat God tell. Dey get one good heart, do da right ting, an no give up. Dey jalike da seeds dat give good kine wheat.”

2 Samuel 7:28

Fo shua, you da One In Charge a me, you da fo real God! I trus wat you tell, an you wen promise dese good kine tings fo me, yoa worka guy.

2 Corint 3:18

Az how he change us fo us come mo an mo jalike one awesome copy a Jesus. An oua face no stay cova up now, fo us show how awesome Da One In Charge stay. Da Spirit from Da One In Charge help us fo do dat.

Jesus Guys 15:9

God see dem same same jalike he see us. He make dem clean inside cuz dey trus him.

Luke 8:11

Den Jesus tell, “Dis wat da Seed story mean. Da seed, dass wat God tell.

John 8:40

But now you guys stay try fo kill me, no matta I erytime tell you guys da trut, jalike I wen hear um from my Faddah. Abraham, he neva make jalike you guys!

Songs 119:144

Da tings you teach me fo do, Stay right foeva. Help me fo undastan um, Fo me stay alive.