John 17:15 - Hawaii Pidgin Bible

¹⁵ I no like fo you take my peopo outa da world, but I like fo you help dem stay away from da Bad Guy Satan.

John 17:15 Referans Kwoze

Songs 121:7

Da One In Charge, he goin take kea you Fo notting bad happen to you. He no goin let you mahke.

1 John 5:18

Fo shua all da ones dat stay God kids no do bad kine stuff, cuz God Boy take kea dem, an da Bad Guy, da Devil, no can hurt dem.

2 Tessalonika 3:3

But Da One In Charge, we trus him. He goin make you guys come mo strong an solid inside, an he no goin let nobody hurt you.

Galatia 1:4

Christ wen give up his body fo mahke cuz a da bad kine stuff us guys stay do. He do dat cuz God oua Faddah wen make one plan fo him free us guys up from dis pilau world we stay in nowdays.

Matthew 6:13

Show us guys how fo no do bad kine stuff Wen somebody give us chance fo do um, But get us outa trouble from da Bad Guy. [Cuz you oua King, You get da real powa, An you stay awesome foeva. Dass it!]’ ”

1 Records 4:10

One time, Jabez go pray to da God fo da Israel peopo. Dis wat he tell: “Eh God, I like you make um fo me do fo real kine Wat you wen make me fo do! I like you make plenny room fo me, An use yoa powa fo help me, An take kea me so notting bad happen, So den I no need hurt!” An God, he make tings happen jalike Jabez wen tell him fo do.

Luke 11:4

Let us go, an hemo oua shame Fo all da bad kine stuff we do to you, Jalike us guys let da odda guy go, An us no stay huhu wit dem Fo da bad kine stuff dey do to us. Show us how fo no do bad kine stuff Wen somebody give us chance fo do um.’ ”

Songs 30:9

“Eh Boss! How dat goin help you If you kill me? How dat goin help If I go down inside my grave? How da dirt down dea inside da grave, Goin tell peopo fo trus you, aah?”

2 Timoty 4:8

Now, ony get one ting I stay wait fo get—dass da spesho medal fo da winna, dat Da One In Charge goin give to all da peopo dat do da right tings. He da Judge, an he do eryting da right way. Wen da right time come, he goin give me da spesho medal fo da winna. Not ony fo me, but fo all da odda peopo dat get love an aloha fo Da One In Charge, an fo real like him come back. Den he goin give dem dea spesho medal too.

Isaiah 57:1

But da peopo dat get um right wit God, Wen dey mahke, Nobody even tink bout dat. Da peopo dat stay tight wit God, He take dem away. But nobody undastan God stay take away da good kine guys too, So dey no suffa from da bad kine stuff Da odda peopo stay do.

Start 48:16

An he da angel messenja guy dat get me outa all kine trouble. Eh God! Do good kine stuff fo dese boys! Dey goin carry my name, An my faddah guys name too, Abraham an Isaac! Make um come big an plenny peopo, hea inside dis world!”

Matthew 5:37

Ony tell, ‘Yeah’ o ‘No.’ Wateva you tell mo den dis come from da Bad Guy, da Devil.

Teacha 9:10

Wateva work you get, geev um wit all yoa powa! Cuz inside da Mahke Peopo Place wea you going, no can work, no can make plan, no can know stuff o know wat fo do erytime.

Luke 22:32

But I wen tell God fo help you, Peter, so you trus God an no give up. Afta you come sorry an come back by me, kokua yoa braddahs.”

1 John 5:19

Us guys know dat we come from God, but da Bad Guy stay in charge a all da odda peopo inside da whole world.