John 17:14 - Hawaii Pidgin Bible

¹⁴ I tell dem wat you wen tell. Da peopo hea inside dis world hate my peopo. Az cuz my peopo no do same same jalike da odda peopo inside dis world do. An me too, I no do same same ting dey do.

John 17:14 Referans Kwoze

John 17:16

Dey no do same same jalike da odda peopo inside dis world. An I no do same same jalike da odda peopo inside dis world do.

John 8:23

Jesus tell dem, “You guys come from down hea, I come from up dea. You guys come from dis world, I no come from dis world.

John 7:7

Da peopo inside da world, dey no goin hate you guys. But dey hate me, cuz I tell um dat da kine stuff dey stay do, az real bad kine stuff!

Smart Guys 29:27

Da peopo dat stay do wass right, Dey tink az pilau, wen peopo do wass wrong. Da bad kine peopo, Dey tink az pilau, wen peopo live da right way!

1 John 3:12

Tink bout da Cain story inside da Bible from befo time. No make jalike Cain. He wen stay tight wit da Bad Guy, Satan, an he kill his braddah Abel. How come he wen kill Abel? Cuz Cain stay do bad kine tings, an his braddah stay do da right kine tings.

Zekariah 11:8

In one month, I throw out three odda guys dat take kea da sheeps. I come tired wit dem, an dey come bum out cuz a me.

Start 3:15

From now on, you an da wahine, I goin make you guys stay agains each odda. Yoa kids an her kids, Dey goin stay agains each odda too. One a dem goin wack yoa head, An you goin bite him on da heel a his feet!”

John 17:8

Cuz I teach dem all da stuff dat you wen tell me, an dey take um. Dey know fo shua dat I wen come from you, cuz dey stay shua dat you wen sen me hea.

1 John 3:13

My braddahs an sistahs, wen da peopo inside dis world hate you guys, az okay, no let dat bodda you.

Mark 10:39

Dey tell, “Shoots, us guys can handle.” He tell, “Fo shua you guys goin suffa jalike me, an you goin handle all da trouble I goin get.