John 16:17 - Hawaii Pidgin Bible

¹⁷ Den some a da guys he teach tell each odda, “Eh, wat he talking bout? He tell, ‘Short time, you guys no goin see me. Den short time moa, you guys goin see me.’ An how come he tell, ‘Cuz I goin go by my Faddah’?”

John 16:17 Referans Kwoze

John 16:16

“Short time, you guys no goin see me. Den short time moa, you guys goin see me.”

John 16:5

“But now I goin go to da One dat wen sen me. Still yet, you guys no even aks me wea I goin go.

Mark 9:32

But da guys no undastan wat he tell, an dey sked fo aks him wat dat mean.

John 16:19

Jesus know dey like aks him one question, so he tell um, “I tell, ‘Short time you guys no goin see me. But short time moa, an you guys goin see me.’ Dass wat you stay talk story bout wit each odda, aah?

John 14:5

Thomas tell um, “Eh Boss! Us guys, we donno wea you goin go. How we goin know how fo go ova dea?”

John 12:16

Dat time, Jesus guys no undastan all da stuff dat stay happen. But laytas, Jesus come back alive from mahke an God make um come awesome to da max. Den, his guys rememba dat da Bible tell from befo time all dis tings bout him. An dey rememba dat da Bible tell from befo time how da peopo make to him.

Luke 18:34

Jesus guys, dey neva know wat he mean. Jalike someting stay hide from dem.

Mark 9:10

So dey neva tell nobody, but dey stay aks each odda wat he mean wen he tell, “I goin mahke, den I goin come back alive.”

John 16:1

“I tell you guys dis stuff awready, cuz no good bumbye you guys no trus me no moa.

John 14:22

Get anodda guy Judas, not da Iscariot guy. He go aks Jesus, “Boss, how come you goin show us guys who you fo real kine, an not show da odda peopo inside da world?”

Luke 9:45

But Jesus guys donno wat dat mean. God no let dem undastan till layta, an dey sked fo aks Jesus bout dat.

John 16:18

So dey tell, “Wat he mean, ‘short time’? We donno wat he stay talking bout.”