John 15:1 - Hawaii Pidgin Bible

¹ “Lissen up. I da guy dat you guys stay tight wit. I jalike da grape vine, but me, I fo real kine. My Faddah, he jalike da farma guy dat take kea da grape vine.

John 15:1 Referans Kwoze

Jeremiah 2:21

I wen make you guys come strong an solid, Jalike I plant you guys fo come da bestes kine grape plant, Da kine you stay shua goin make odda good plants erytime. So how come you guys wen bag from me, An come jalike one junk kine wild grape plant?

1 Corint 3:9

Cuz us guys an God, we work togedda. An you guys, you jalike da groun wea God goin plant da seed. An same ting, you guys jalike da building God goin build.

Isaiah 60:21

“Dat time, all yoa peopo goin do da right tings. Dey goin own da land foeva, Jalike I plant one young plant An put um dea. Me, I do all dat Fo peopo see dat I awesome.

Isaiah 4:2

Dat time, goin get one guy, Da One In Charge goin give him da right fo be king, Cuz he jalike one new branch Dat Da One In Charge make come out from da king ohana. Dat guy goin be real good looking an stay awesome. Erybody goin know bout da stuff dat grow on top da land, Dat goin come real awesome too, An da Israel peopo dat still yet stay alive dat time Goin feel real good inside bout all dat, An all da odda peopo goin get respeck fo dem.

John 6:55

Cuz my body, dass food fo real kine. An my blood, dass drink fo real kine.

Jeremiah 12:10

“Get plenny leada guys from anodda place Goin wase wat I wen plant. Dey goin walk all ova my field. Dey goin bus up my nice place! (I stay talking bout wat dey goin do to my peopo!)

1 John 2:8

Still yet, I stay write you guys one new ting God tell you guys gotta do. Da new ting stay true bout Jesus an bout you guys. Cuz wen you guys do wat God tell you fo do, az jalike da real light stay shine awready an da dark go way.

Mark 12:1

Jesus start fo tell stories fo teach peopo. He tell, “One guy go plant one grape field. He make one fence aroun um, an dig one puka inside da groun fo squeeze da grapes. An he build one watch towa. Den he rent da grape farm to some farma guys, den he go far away.

Matthew 21:33

“Try lissen dis story fo you learn someting. Dis one bout da guy dat go plant one grape farm. He make one fence aroun um, an dig one hole inside da groun fo squeeze da grapes, an he build one watch towa. Den he rent da grape farm to some farma guys an go far away.

Hosea 10:1

Befo time da Israel peopo Was jalike one grape plant dat grow an spread all ova. Da fruits, same ting. But wen dey come even mo right, Dey wen build mo plenny altars fo odda gods. Wen da land make even mo fruit, Dey make da kapu stones fo da idol kine gods mo fancy.

John 6:32

Jesus tell dem, “Dass right! An I tell you guys dis too: No was Moses dat give yoa ancesta guys da bread from da sky. Was my Faddah, an he da One dat give you guys da real kine bread from da sky still yet.

Luke 13:6

Jesus tell um dis story fo teach um. “Had one guy dat get one fig tree dat stay grow inside his grape field. He go fo look if get fruit on um, but no mo fruit.

Matthew 20:1

“I like tell you guys one story bout how stay wen God in da sky stay King. Dass jalike one boss guy dat own one grape farm. Da firs ting in da morning da owna go out fo look fo guys dat like work fo him on his grape farm.

Love Song 7:12

Den us goin get up early an go da grape fields Fo go look if da plants get flowa, An if da flowas stay bloom, An if da pomagram tree get flowa, Den ova dea I goin make love to you.

Zekariah 3:8

“ ‘Eh Joshua! Lissen up. You da Main Pries Guy! Yoa helpa guys dat stay sit down in front you, dey jalike signs bout da good kine tings dat goin happen bumbye. An bumbye I goin bring my worka guy hea too. He jalike da New Branch dat come out from da Root.

John 1:9

Dat time wen John stay teach, jalike da light dass fo real stay come inside da world. Dass da light dat show erybody wass true.

John 1:17

Moses wen give oua ancesta guys da Rules From God. Den Jesus Christ, God Spesho Guy, he do plenny good stuff fo us, an eryting he tell us bout God, stay fo real.

Isaiah 61:3

Da One In Charge sen me fo help da peopo Mount Zion side Dat stay sad inside. He tell me fo give dem One nice haku lei fo put on top dea head, An take away da ashes. An make dem stay feel good inside wit perfume Fo dem no stay sad inside no moa. He sen me fo give um one nice robe fo wear Dat make erybody like tell, “Da One In Charge, da greates!” So dea spirit no feel jalike dey lose fight no moa. Dey goin show dat Da One In Charge make dem get um right wit him, Jalike dey strong oak trees dat Da One In Charge wen plant Fo show how awesome he stay.

Ezekiel 19:10

“ ‘Yoa muddah jalike one grape plant inside yoa grape farm. She grow by da watta. She get plenny fruits an plenny branches Cuz get plenny watta ova dea.

Matthew 15:13

He tell um, “Dey jalike plants dat my Faddah in da sky neva plant, an he goin pull out anybody dat try fo make lidat.

John 15:2

All da peopo dat tell dey stay tight wit me, but dey no do notting, my Faddah take um off, jalike da grape farma guy take off all da branches dat no mo fruit. An all da peopo dat stay tight wit me, he take away da junk kine stuff from inside dem, jalike wen da grape farma guy trim da branches fo dem get plenny fruit.

Rome 11:17

Az jalike da Jew guys one olive tree, an God hemo some branches from dat tree, an den he graf in odda kine branches. You guys dass not Jew guys, you jalike odda kine olive trees dat grow wild outside one olive tree farm, but God graf you in on top one good tree inside da farm. Jalike da odda branches, you get da same kine good tings from God, jalike da Jew guys.