John 13:17 - Hawaii Pidgin Bible

¹⁷ You guys know all dis stuffs. So, if you guys do um, you guys goin stay good inside.

John 13:17 Referans Kwoze

Luke 11:28

But Jesus tell, “Da peopo dat hear wat God tell um fo do, an do um, dey da ones dat stay real good inside!”

James 4:17

Da guy dat know how fo do good tings, but still yet he no do um, same ting, jalike he still do bad kine tings.

James 1:25

But eryting God tell his peopo dey gotta do, dass perfeck, cuz dass wat can hemo you from all da bad kine stuff. So den, if you go check out real good da Rules from God, an no foget wat you wen hear, an stay do um, eh! you goin feel real good inside cuz you stay do um.

Ezekiel 36:27

An I goin put my Spirit in charge a you guys. He goin make you like live da way I tell you gotta live. Dass how you goin make shua you do wat my rules tell you fo do.

Outa Egypt 40:16

Moses do eryting jalike Da One In Charge wen tell him fo do.

Jesus Show 22:14

“Erybody dat wash dea clotheses clean, dey can stay good inside, cuz dey get da right fo eat from da tree dat make peopo come alive fo real kine. An fo go inside God big town thru da gate.

Songs 19:11

An one mo ting, I one guy dat work fo Da One In Charge, An from da kine tings he tell, I know wat not fo do. Da peopo dat make shua dey do wat Da One In Charge tell, He make shua plenny good tings happen to dem.

Galatia 5:6

Wen us stay tight wit Jesus Christ, no matta us cut skin o no cut skin, main ting, we gotta trus God, an show plenny love an aloha fo God an odda peopo.

Matthew 12:50

Cuz whoeva do da tings my Faddah in da sky tell um fo do, dey my braddah an my sistah an my muddah.”

Start 6:22

So, Noah do eryting dat God tell um fo do.

John 15:14

You guys stay my frenz, if you guys do da stuff I stay tell you guys fo do.

Smart Guys 29:18

Wen no mo nobody talk fo God, Da peopo buckaloose. But anybody dat stay do wat da Rules tell, Dey can stay good inside.

Jeremiah 11:6

Da One In Charge tell me, “Tell all dis stuff I stay tell you inside da Judah towns an on top da Jerusalem streets: ‘No foget wass my deal wit yoa ancesta guys, an do um.

Rome 2:13

Fo get um right wit God, not enuff fo ony hear da Rules From God. You gotta do jalike da Rules From God tell you fo do fo get um right wit him.