John 12:29 - Hawaii Pidgin Bible

²⁹ Da peopo dat stan dea an hear um tell, “Eh! Get thunda!” Da odda peopo tell, “Nah, az was one angel messenja guy from Da One In Charge dat talk to him.”

John 12:29 Referans Kwoze

Jesus Show 14:2

Afta dat I wen hear one big noise come from da sky, jalike one big wattafall, an jalike da thunda. Da soun I hear, jalike plenny peopo playing harp.

Jesus Show 11:19

Den God temple inside da sky come open fo see da Box Fo No Foget Da Deal dat get da Ten Main Rules inside. Den had lightning, an noise, an loud thunda. Da earth shake, an get big hail come down.

Jesus Show 8:5

Den da angel guy take da incense pan, fill um up wit da red hot coals an da fire from da altar, an throw um all down on top da groun. Den get thunda an big noise, da lightning flash, an da earth shake.

Jesus Show 6:1

Den, jalike one dream, I wen see da Bebe Sheep Guy broke open da numba one seal from da seven seals on top da paypa. I hear one a da four tings dat stay alive an go ery place God go talk wit one loud voice dat soun jalike thunda. He tell, “Start now awready!”

Ezekiel 10:5

Can hear da noise from da spesho angel watcha tings wings all da way from da outside open lanai. Soun jalike wen da God Dass Mo Importan Den All Da Odda Gods talk.

Job 40:9

You tink you strong jalike me, God, o wat? You tink you can talk strong jalike me an make thunda?

Outa Egypt 20:18

All da peopo hear da thunda an see da lightning. Dey all hear da sheep horn trumpet an see da smoke all ova da mountain. Da peopo, dey stay sked an shaking. Dey go stan back far away from da mountain.

Outa Egypt 19:16

Morning time, da day numba three, get thunda an lightning, an one heavy cloud ova da mountain top. Had one loud noise jalike from one sheep horn trumpet. All da peopo inside da camp, dey stay sked an shaking!

Jesus Guys 9:7

Da guys dat go wit Saul stay dea an no tell notting. Dey hear da voice, but dey no see nobody.