John 12:24 - Hawaii Pidgin Bible

²⁴ An I like tell you guys dis too: I jalike da wheat seed dat gotta fall down inside da groun an mahke, an den can grow, fo make plenny mo seeds. If da seed no mahke, stay ony one seed.

John 12:24 Referans Kwoze

Songs 72:16

I like fo da land grow Plenny food fo harves, Dat grow food all da way To da mountain tops! I like da land get plenny fruits, Jalike Lebanon! I like fo eryting go good Fo da peopo inside da towns. I like fo da peopo come Jalike wen da grass get flowas All ova da country side!

Songs 22:15

Befo time, strong, me. But now I all weak, Jalike wen da mud dry up from da sun. My tongue stay real dry, az why I no can move um. You wen throw me down on top da dirt fo me mahke dea!

Rome 14:9

Dass how come Christ wen mahke, an den come back alive one mo time. He do dat fo show he Da One In Charge fo da peopo dat mahke awready, an same ting fo da peopo dat stay alive too.

Job 14:8

Maybe da roots goin grow ol inside da groun, An da stump goin start fo mahke inside da dirt.

Isaiah 28:28

Fo make bread, firs gotta smash da wheat litto bit Fo take out da junks, But no need stay take out da junks all da time. Dey use da horses Fo move da wagon wheel ova um, But not fo smash da wheat real small kine.