John 11:32 - Hawaii Pidgin Bible

³² Den Mary come wea Jesus stay, an see him. She go down in front his feets an tell, “Boss, if you was hea, my braddah neva mahke.”

John 11:32 Referans Kwoze

John 11:21

Marta tell Jesus, “You Da One In Charge! If you was hea, fo shua my braddah no wen mahke!

Luke 17:16

He go down by Jesus feets, an tell him “Mahalo plenny!” He one guy from Samaria.

Luke 5:8

Wen Simon Peter see how plenny fish dey get, he go down on his knees in front Jesus an tell, “Eh, Boss, go way from me, cuz I one guy dat stay do bad kine stuff!”

Luke 8:41

Had one leada guy from da Jew church, name Jairus. Right den an dea he come an go down by Jesus feet. He beg Jesus fo go his house,

Jesus Show 22:8

Me, John, I da guy wen hear an see all dis stuff. Afta I hear an see dat, I go down in front da angel guy dat show um to me, fo show love an respeck fo him.

Jesus Show 5:14

Den da four tings dat stay alive an go ery place God go, dey tell, “Dass right!” An da older leada guys go down an show God an da Bebe Sheep Guy love an respeck.

Jesus Show 5:8

Afta he take um, da four tings dat stay alive an go ery place God go, an da twenny-four older leadas, dey go down in front da Bebe Sheep Guy. Dey all get harp an gold kine bowl wit incense inside. Da incense, dass jalike all da tings da peopo dat stay spesho fo God aks him fo do.

John 11:37

But some a dem tell, “Eh! Dis guy wen make da blind guys see. How come he no can make Lazarus come good fo him no mahke, aah?”

John 4:49

Da leada guy tell, “Boss, try come, o my kid goin mahke.”