John 11:11 - Hawaii Pidgin Bible

¹¹ Afta Jesus tell dat, he tell, “Oua fren Lazarus wen go sleep, but I goin go ova dea fo wake him up.”

John 11:11 Referans Kwoze

Daniel 12:2

Plenny peopo dat stay mahke, jalike dey stay sleep unda da groun, dey goin come alive one mo time, jalike dey wake up. Some a dem goin come alive fo get da kine life dat stay foeva. Odda peopo goin come alive fo come shame foeva, an odda peopo goin feel pilau wen dey even tink bout dem.

John 11:13

Jesus mean he mahke die dead, but his guys tink he stay talk bout res an sleep.

1 Corint 15:51

So, lissen up! I like tell you guys one ting dat was secret befo time! From all us guys, get some guys dat no goin mahke! But all us guys goin come diffren!

Jesus Guys 7:60

An he fall down on his knees, an yell, “You Da One In Charge! No hold dis bad ting agains dem.” An afta he tell dat, he mahke.

Matthew 27:52

an da graves open. An you know wat? Plenny mahke guys dat was spesho fo God long time befo time, dea bodies come alive one mo time. Dat happen afta Jesus come back alive from mahke. Dey come outa dea graves, an dey go inside Jerusalem, da town dat stay spesho fo God. Plenny peopo spock um!

Efesus 5:14

God make da bad kine stuff come good, jalike da light make da dark kine stuff come jalike light too. Get one song dat tell: “Eh, you dat stay sleep, wake up! Go come back alive from mahke! Christ goin be da light fo you.”

Mark 5:39

He go inside an tell, “Eh, how come you guys stay making big noise an crying? Da girl neva mahke, her ony stay sleeping.”

Matthew 9:24

He tell um, “Erybody go way! Da girl neva mahke, she ony stay sleeping.” But da peopo make fun a him.

Outa Egypt 33:11

Da One In Charge, he stay talk wit Moses, jalike wen one guy stay talk wit his fren. Afta, Moses go back da camp. But da young helpa guy fo Moses, dass Joshua, Nun boy, he no go way from inside da tent, he stay dea.

James 2:23

So dis wen happen jalike da Bible tell: ‘Abraham trus God, so God make Abraham get um right wit him.’ An God tell, ‘Abraham, he my fren.’

1 Corint 15:34

Wise up! Tink strait how you suppose to tink! No go do da bad kine stuff no moa! Cuz even get some peopo dat donno God, you know. I stay talk lidis fo make you guys come shame.

1 Corint 15:18

Same ting wit da odda peopo dat wen stay tight wit Christ befo time an wen mahke awready—if Christ neva come back from mahke, dey stay cut off from God foeva too! But he wen come back fo shua!

John 11:3

So Lazarus sistahs sen guys fo tell Jesus, “You Da One In Charge, yoa good fren Lazarus, he stay sick.”

John 3:29

“Da groom, he da guy dat get da bride. Da bes man, he stay standing dea, an he stay real good inside wen he hear da groom stay talking. I jalike da bes man, an Jesus, jalike da groom. Dass why I stay real good inside.

Isaiah 41:8

“But you Israel peopo dat work fo me An come from Jacob, I wen pick you guys. You get Abraham fo yoa ancesta, An he my fren.

2 Records 20:7

You, oua God, da One wen chase out da peopos dat wen live inside dis land. Dey run away in front yoa peopo, da Israel peopo. You give da land to da peopo dat come from yoa fren Abraham, fo come dea property foeva.

Rules Secon Time 31:16

Da One In Charge tell Moses, “You get litto bit mo time, an you goin go res wit yoa ancesta guys. But dese peopo, dey goin go down in front da odda gods dat da diffren peopos pray to ova dea inside da land dey goin go inside fo take ova. Dey goin do tings wit dose gods, jalike wen peopo go fool aroun behind dea husban o wife back. Dey goin bag from me, an broke da deal I wen make wit dem.

2 Kings 4:31

Gehazi go in front a dem, an put da stick on top da boy face, but da boy no talk o move. So Gehazi go back meet Elisha. He tell him, “Da boy no wake up.”

John 11:10

But if you walk aroun nite time, you goin trip an fall down, cuz you no mo light.”

John 11:12

Jesus guys tell, “Eh Boss, if he sleep, he goin come good.”