John 11:1 - Hawaii Pidgin Bible

^1-2 Had one guy Lazarus. He get two sistahs, Mary an Marta, an dey all come from Betany town. Mary, she da wahine dat layta put perfume on top Jesus, Da One In Charge. She put um on top his feet an wipe um wit her hair. Den Lazarus come sick.

John 11:1 Referans Kwoze

John 12:17

All da peopo dat wen stay wit Jesus, da time he make Lazarus come back alive from mahke, dey tell wat dey wen see.

John 12:9

Dat time plenny Jew guys find out dat Jesus stay ova dea inside Betany town, an dey come fo see him. An not ony him, but Lazarus too. Cuz dey wen hear dat Jesus wen make Lazarus come back alive from mahke.

John 11:11

Afta Jesus tell dat, he tell, “Oua fren Lazarus wen go sleep, but I goin go ova dea fo wake him up.”

Matthew 21:17

Den he go way from dem, an go Betany, da small town outside Jerusalem, an stay ova dea.

Jesus Guys 9:37

Dat time she come sick an den mahke. Dey wash her body an put um inside one room upstairs.

John 11:3

So Lazarus sistahs sen guys fo tell Jesus, “You Da One In Charge, yoa good fren Lazarus, he stay sick.”

Mark 11:1

Den Jesus dem come nea Jerusalem an come by Betpage an Betany, on top da Olive Ridge. Jesus sen two guys he stay teach.

Start 48:1

Afta all dat happen, somebody tell Joseph, “Eh! Yoa faddah stay sick, you know.” Joseph go by Jacob, an he take his two boys, Manasseh an Efraim, wit him.

John 11:18

Betany stay not far from Jerusalem, not even two mile.

John 11:19

Plenny Jew guys come fo kokua Marta an Mary, cuz dea braddah mahke.