John 10:8 - Hawaii Pidgin Bible

⁸ All da odda guys dat come befo me, dey jalike steala guys. But da sheeps no lissen dem guys.

John 10:8 Referans Kwoze

Ezekiel 34:2

“Eh! Fo Real Kine Guy! Go talk fo me agains da sheep guys inside Israel. Talk fo me, an tell um dis: ‘Dis wat Da One In Charge, da Boss, tell: Ahanas you Israel sheep guys! Bad tings goin happen to you! Az cuz you guys feed ony you! Eh you sheep guys! You suppose to feed da sheeps an da goats!

John 10:1

Jesus tell, “Dis fo shua wat I tell you guys: If get one place fo da sheeps, an somebody no go inside dea by da gate, but he go climb ova da wall anodda place, dat guy ony like steal da sheeps.

Jeremiah 23:1

Anodda message from Da One In Charge: “Ho, da leada guys, dey all jam up! Dey suppose to take kea my peopo jalike da sheep guys take kea da sheeps. But dem, dey wipe out da sheeps inside my field! O dey make um run away all ova da place!”

Jesus Guys 5:36

Cuz you no foget? One time had one guy name Teudas. He talk big, jalike he somebody, an he had bout four hundred guys stay tight wit him. But den some guys kill him, an all his guys run away, an da whole ting pau.

John 10:27

My sheeps, dey hear my voice. I know dem. An dey stay tight wit me.

John 10:5

Dey no goin go wit one guy dat dey donno. Dey goin run away from dat guy, cuz dey donno dat guy voice.”

Zekariah 11:16

Cuz I goin put one guy ova da peopo inside da land, dat goin ack jalike one sheep guy, but he no goin kea if da sheeps get lost. He no goin look fo da bebe sheeps, o make da sheeps dat stay hurt come good, o give da good sheeps food. But he goin eat da meat from da bestes sheeps, an even pull off dea hoofs.

Zefaniah 3:3

Dea leadas, dey jalike da lions dat make big noise. Da govmen guys, dey jalike da wild dogs dat hunt wen almos dark. Dey eat up eryting, So no mo notting dea, morning time.