John 10:35 - Hawaii Pidgin Bible

³⁵ Kay den. We know dat eryting da Bible tell from befo time, stay true. So, if God call dem guys he talking to ‘gods,’

John 10:35 Referans Kwoze

Matthew 24:35

Da world an da sky goin go way, but da tings I tell no goin go way foeva.

Rome 13:1

Erybody gotta lissen da govmen guys in charge. Dey get da powa fo tell peopo wat fo do, you know. But da powa dey get, God wen give um dat. Da guys dat get powa right now, dey da ones dat stay in charge cuz God wen put um in charge.

Luke 16:17

Goin be mo easy fo da sky an da earth disappea, den fo even one small word from da Rules From God fo disappea.

Jesus Guys 1:16

He tell, “My braddahs an sistahs, wat da Bible tell wen happen awready, an dass how gotta be. King David tell long time befo time bout da guy Judas, cuz da Good An Spesho Spirit wen tell David all dat. Judas, he da guy wen bring da guys dat bus Jesus, an wen show dem wat one him.

Start 15:1

Afta Abram get Lot outa trouble, anodda ting happen. Abram see someting jalike in one dream, but he not sleeping. God, Da One In Charge, tell um dis: “No sked, Abram! I no goin let nobody hurt you. I jalike one shield fo you. I goin be yoa God An pay you plenny bumbye!”

Matthew 27:35

Dey nail him on top da cross, an den dey throw dice fo see wat army guy goin get wat clotheses from Jesus.

Matthew 5:18

Dass right! An I tell you guys dis too: Da sky an da world no goin change notting befo eryting da Rules From God tell goin happen. Not even one dot o one small line a da Rules From God goin change till da Rules do wat suppose to do.

1 Records 22:8

But den I get dis message from him: ‘You wen kill plenny peopo, an fight plenny wars. You no goin build one house fo show wat kine god me, cuz you wen make da blood from plenny peopo fall on top da groun in front me.

2 Samuel 7:5

“Go tell my worka guy David, ‘Me, Da One In Charge, give you dis message: You tink you da one fo build one temple fo me live inside um?

1 Samuel 30:8

David aks Da One In Charge, “Az good fo me go chase afta dese guys dat wen rip us off, o wat? Can catch up wit dem, o no can?” Da One In Charge tell, “Go! Chase um! Fo shua you goin catch um, an fo shua you goin get yoa peopo back!”

1 Samuel 28:6

He aks Da One In Charge fo tell wat goin happen, but Da One In Charge no tell him notting—not inside his dreams, o wit da Urim da Main Pries Guy use, o from da guys dat talk fo Da One In Charge. Notting!

1 Samuel 15:1

Samuel tell Saul, “I da guy dat Da One In Charge wen sen fo put oil on top yoa head fo make you da king fo his peopo, da Israel peopo. So den, you gotta lissen eryting Da One In Charge tell.

Rules Secon Time 18:15

But yoa God, Da One In Charge, goin bring one guy from yoa peopo dat talk fo him to you guys, jalike me. Him, da one you guys betta lissen.

John 19:28

Afta dat, Jesus know dat he awready do eryting he suppose to do. Den fo make happen eryting da Bible tell befo time, he tell, “I thirsty!”

2 Records 19:2

Jehu (his faddah Hanani, da guy dat can see wass goin happen) go out fo meet da king. He tell da king, “You tink az good you help da guys dat do real bad kine stuff, o wat?! You tink az good, you get love fo da guys dat hate Da One In Charge, o wat?! Cuz you wen do dat, Da One In Charge stay huhu wit you!

John 10:34

Jesus tell dem, “Eh, God wen tell dis in yoa Rules, ‘I tell you guys, da ones in charge, you guys gods.’

John 10:36

how come you guys tell dat I talk bad bout God, cuz I tell dat I God Boy? Da Faddah tell I spesho fo him, an he sen me hea inside da world.

2 Kings 15:12

Dis all happen da way Da One In Charge wen tell Jehu goin happen: “You, yoa boy, yoa grankid, an yoa great-grankid, goin sit on top da Israel throne, ony four a dem. Den yoa blood line goin come pau.”