Joel 1:5 - Hawaii Pidgin Bible

⁵ Wake up, you piloot guys, an cry! All you guys dat suck up da wine, cry loud! Cry bout da juice fo make da wine, Cuz da locus, dey no let da wine reach yoa mout!

Joel 1:5 Referans Kwoze

James 5:1

Eh! You rich peopo! Lissen! Mo betta you cry plenny now, an feel sad! Cuz bumbye, you goin suffa plenny fo shua.

Luke 16:19

Jesus tell, “One time had one rich guy dat wear da rich kine clotheses an he live jalike one king.

Joel 3:3

An dey wen pull straw fo take ova my peopo. Dey trade da boy kine slaves fo pay da hoaz. An dey sell da girls fo come slave girls, An use da money fo buy wine Fo dem drink um.

Joel 1:13

You pries guys, put on burmbag clotheses Fo show you stay sad inside. Cry loud, you guys dat work in front da altar. Wear burmbag clotheses all nite, You guys dat work in front my God. Cuz no mo da wheat an barley sacrifices an da drink sacrifices, No mo notting fo bring inside da Temple Fo Yoa God.

Joel 1:11

Eh you farma guys! Bum out! You guys dat grow da grapes, cry loud! Stay sore inside bout da wheat an barley, Cuz da food fo harves come all wipe out!

Ezekiel 30:2

“Eh! Fo Real Kine Guy! Tell dis fo me: Dis wat Da One In Charge, da Boss, tell: “ ‘Cry plenny! Moan! An tell, “Bummahs! Cuz da bad time stay come!”

Jeremiah 4:8

So, you guys betta put on burmbag kine clotheses, Fo show you guys stay sad inside an crying, Cuz Da One In Charge stay real huhu wit us guys. An he still yet stay huhu!”