Joel 1:11 - Hawaii Pidgin Bible

¹¹ Eh you farma guys! Bum out! You guys dat grow da grapes, cry loud! Stay sore inside bout da wheat an barley, Cuz da food fo harves come all wipe out!

Joel 1:11 Referans Kwoze

Isaiah 17:11

No matta you put one fence Da same day you plant um, An da nex morning you make da seed start fo grow, You goin get ony junk kine plants From da seed you plant, Cuz you goin get one sick dat nobody can make come good, An you goin hurt plenny.

Jeremiah 9:12

Nobody stay smart enuff fo undastan all dis! No mo nobody dat Da One In Charge wen teach fo da guy tell wat all dis mean! How come da land stay all wasted an burn up jalike da boonies fo no mo nobody go thru dea?!

Rome 5:5

Wen us guys stay shua dat God goin do all dis fo us, we no need worry notting. Cuz us guys get da Good An Spesho Spirit God wen give us, dat make us feel inside how plenny love an aloha he get fo us guys.

Amos 5:16

“Cuz a wat you guys wen do, dis wat my God, Da One In Charge, tell—he my Boss, da God Ova All Da Armies: “ ‘Inside ery town, goin hear peopo crying fo you guys. Ery open place, ery street, da peopo goin yell, “Bummahs! Bummahs!” Dey even goin tell da farm worka guys Fo go town fo go da funeral, an cry fo you guys cuz you mahke. Da peopo dat know how fo sing da funeral songs, Dey goin pay um fo yell plenny fo you guys afta you mahke.

Jeremiah 50:16

Kill erybody dat plant seed Babylon side! Kill erybody ova dea dat harves da food wen da time come! Cuz da army guys goin come wit swords Fo wipe out da Babylon peopo. Let all da peopos dat come from odda countries run back dea peopo! Let um all go back dea land!

Ezekiel 30:2

“Eh! Fo Real Kine Guy! Tell dis fo me: Dis wat Da One In Charge, da Boss, tell: “ ‘Cry plenny! Moan! An tell, “Bummahs! Cuz da bad time stay come!”

Jeremiah 14:2

“Da Judah peopo stay sad inside. Da big towns no mo biznis. Da peopo sit on top da groun An cry bout da land, jalike get one funeral. All da Jerusalem peopo stay yell fo help.