Job 8:3 - Hawaii Pidgin Bible

³ You tink Da God Dat Get All Da Powa, jam up how he judge peopo, Fo him judge um crooked kine, o wat? You tink he make wass right, come wrong?! No ways!

Job 8:3 Referans Kwoze

2 Records 19:7

Dat mean, you guys betta be plenny sked a Da One In Charge. Take kea how you judge. Cuz oua God, dass Da One In Charge a us, he no judge da wrong way, he no make mo good fo one guy den fo anodda guy, an he no take unda da table kine money.”

Rules Secon Time 32:4

God, he jalike one big stone. Wateva he do erytime stay perfeck. Eryting he do stay right. He da God dat do wat he tell he goin do. He no do notting wrong. He ony do tings dass good an right.

Start 18:25

No can be dat you goin wipe um all out, da way you wen tell! If you kill da peopo dat do da right ting, same time you kill da bad peopo, den dat mean you tink dey not diffren, da peopo dat do da right ting an da bad peopo! No can be! You da Judge fo all da peopo inside da world. So den, you gotta make diffren kine to da good peopo an to da bad peopo!”

Daniel 9:14

You, oua God, dass Da One In Charge, you no wait fo drop da bad kine stuff on top us, cuz you do da right ting erytime. But still yet we no lissen you.

Jesus Show 16:7

Den I hear one voice from da altar tell, “Az right! You Da One In Charge, Da God Dat Get All Da Powa. You da Judge. An eryting you do, you do um right An tell da trut.”

Jesus Show 15:3

Dey stay sing jalike Moses, da guy dat wen work fo God, an jalike God Bebe Sheep Guy. Dey sing: “God, you Da One In Charge! You Da God Dat Get All Da Powa. You do big an awesome stuff. You erytime do wass right an wass true. You da King fo all da diffren peopos foeva an eva!

Rome 2:5

But you get hard head. An you no like change wat you do. So, you stay make tings mo worse fo you. Bumbye God da Judge goin tell who wen do bad kine stuff, an erybody goin know dat God judge da right way. Den he goin punish you cuz he had it wit wat you do.

Ezekiel 33:20

But you Israel peopo tell, ‘Da way Da One In Charge do stuff no stay pono.’ But I goin judge all you guys, da way you guys do stuff.”

Ezekiel 33:17

“But yoa peopo stay tell, ‘Da way Da One In Charge do stuff dass not pono!’ But dem da ones dat do stuff dass not pono!

Ezekiel 18:25

“But you guys tell, ‘Da way da Boss do stuff, az not pono!’ Lissen, you Israel ohana peopo: You guys tink da way I do stuff, not pono? O you da ones dat stay do wass not pono!

Songs 99:4

Eh God! You da strong king. You get love an aloha Fo whoeva do da right ting! You da One dat tell Wass da bestes way fo da Israel peopo An you set up da rules fo dem, How fo do wass right.

Songs 89:14

You get da right fo stay in charge Cuz you da king, Cuz you erytime do da right ting An you fair wit erybody. Wit you, erybody know You stay tight wit yoa peopo, An wateva you tell you goin do, You do um erytime.

Job 40:8

“You tink az fo real dat I no judge da right way, o wat? You goin tell I get da blame fo you show proof you right?

Job 40:2

“Eh you! Da guy dat make argue wit me! Me, Da God Dat Get All Da Powa! You stay tell me I wrong, o wat?! You da one dat poin finga me! I like you ansa me!”

Job 35:13

Fo shua, God no goin lissen dose guys, Cuz wat dey tell, no mean notting. Da God Dat Get All Da Powa, he no goin wase time wit dat.

Job 34:5

Cuz Job tell, ‘No matta I neva do notting wrong, Still yet, God take away my rights!

Job 21:20

Mo betta da bad guy see wat happen wen God wipe him out. Let him be da one find out az God come huhu wit him, Da God Dat Get Mo Powa Den All Da Odda Gods.

Job 21:15

Who dis God Dat Get All Da Powa, aah? Dat us gotta work fo him?! Wat good ting goin happen to us guys If us aks him fo help us?’

Job 19:7

“Eh! No matta I yell, ‘He killing me!’ Nobody tell me notting! No matta I yell fo somebody help me, Nobody judge me da right way!

Job 10:3

You tink az good fo you, dat you put presha on me, o wat?! You like mess me up, da guy you wen work hard fo make, o wat?! An same time, how come you tink az good, all da plans da bad guys make?!

Job 9:2

“Fo shua, I know az true, wat you tell. But in front God, how one guy goin show proof dat he do da right ting, aah?!

Job 4:17

‘You tink get anybody can do wass right, da way God see um, o wat? You tink one guy can be clean inside, in front da God dat wen make him, o wat?

Job 36:3

I bring wat I know from far away. I goin show dat da One dat wen make me, Do da right ting erytime.

Job 36:23

No mo nobody tell God how he gotta live. No mo nobody can tell him ‘Wat you wen do, az wrong!’

Job 37:23

Da God Dat Get All Da Powa, us no can reach him. He real strong, an he judge da right way erytime. But he no put heavy presha on us guys.

Job 19:6

Den you guys gotta know dis: Az God dat judge me da wrong way! Jalike he throw his net ova me.