Job 4:3 - Hawaii Pidgin Bible

³ Tink how you wen teach plenny peopo. You make plenny weak peopo come strong.

Job 4:3 Referans Kwoze

Isaiah 35:3

So make da peopo come strong, Da ones dea hands shake an stay drop stuff. An dea knees no let um stan up strait.

Hebrews 12:12

Eh you guys! Jalike da Bible tell, “Wen yoa hands stay drop stuff an yoa knees come weak, make um come strong!”

Luke 22:32

But I wen tell God fo help you, Peter, so you trus God an no give up. Afta you come sorry an come back by me, kokua yoa braddahs.”

Smart Guys 10:21

Da peopo dat stay do wass right, Wat dey tell, az jalike food fo da inside fo plenny peopo. Da stupid head kine peopo wit attitude, Dey goin get cut off from God foeva, Cuz dey no tink strait.

Job 16:5

But me, I no make lidat. Da way I talk can make you guys feel mo strong. I no hold back fo tell how you guys can come so notting bodda you.

Efesus 4:29

No go talk pilau kine stuff notting. But wen you talk, tell ony good kine stuff dat goin help da peopo dat lissen fo make um come mo strong inside. Cuz dey need fo hear da kine stuff dass ony good fo dem.

Luke 22:43

[One angel guy from Da One In Charge Up Dea Inside Da Sky show up by Jesus an kokua him.]

Rules Secon Time 3:28

But put Joshua in charge. Give him good kine words, an make him mo strong an solid, cuz he da one goin go da odda side a da Jordan Riva an all dese peopo goin follow him. An he da one goin help dem take ova da land you goin see.’

Ezekiel 13:22

You guys make da peopo dat do wass right come bum out cuz you bulai dem (but me, I neva do notting fo make dem come sad). You da guys dat tell da bad kine guys, “Good you guys no turn from da bad kine stuff you do fo you guys stay alive.”

Isaiah 50:4

Da One In Charge a me, He make me know how fo talk fo him. He make me know wat fo tell da tired guys Fo dem come strong. He wake me up ery day morning time An make me lissen him real good, Jalike da peopo dat study plenny.

Smart Guys 16:21

Wen one guy tink good An know wat fo do erytime, Peopo goin tell, “Eh, dat guy undastan plenny!” Da guy know how fo talk nice kine, Peopo goin lissen him.

Smart Guys 15:7

Da peopo dat know wat fo do erytime, Dey teach peopo plenny good stuff. Da stupid head kine peopo wit attitude, Dey no can, no way!

Start 18:19

“He da guy I wen pick fo come tight wit me. Dass how I know he goin tell his kids, an da peopo dat work fo him, an da peopo dat goin come from dem, dat dey all gotta live da way I tell um fo live, fo dem do da right ting erytime an stick wit my rules. Dass how I goin make happen fo Abraham da tings dat I wen tell him goin happen. Az why I goin tell um dis!”

Colosse 4:6

Weneva you guys talk, no talk any kine—talk wit aloha. An no talk ony bout da junk kine stuff. Dass jalike food dat no mo taste. Talk bout da kine good stuff. Dass jalike food dat stay ono, cuz get salt fo taste! Eh! Good fo know how fo talk to any kine guy.

Ezra 6:22

Fo seven day dey all make da spesho kine ceremony fo Da Bread Dat No Mo Yeast Inside, an dey feel real good inside cuz a dat. Da One In Charge make um feel good inside, cuz he wen make da Assyria king like help da Israel peopo. Az why da king help um fo build da House Fo Da God Fo Da Israel Peopo one mo time.

Job 4:4

Wat you wen tell, make da peopo dat fall down, stan up. You make dea knees dat no stay strait, come strong.

Job 29:11

“Whoeva hear me, dey tell I stay good inside. Da guys dat see me, dey tell I okay.

Job 29:15

I was da eyes fo da guys dat no can see, An da feets fo da peopo dat no can walk.

Job 29:16

I was jalike one faddah fo da peopo dat no mo notting. I wen find out wat was da trut, Even fo peopo I donno dat gotta go in front da judge.

Job 29:21

“Erybody wen wait fo dem lissen me, Dey stay quiet till I tell wass good fo dem do.

Zefaniah 3:16

Dat time, da Jerusalem peopo goin hear dis: ‘No sked, you peopo dat go Zion hill fo pray! No lose fight!