Job 4:11 - Hawaii Pidgin Bible

¹¹ Wen no mo animals fo kill, da lion mahke, An da lion bebes stay scatta from dea muddah.

Job 4:11 Referans Kwoze

Songs 34:10

Da young lions come hungry, Cuz dey no mo notting fo eat, But da peopo dat like come close To Da One In Charge, Dey goin get plenny good tings!

2 Timoty 4:17

Still yet, Da One In Charge, he wen back me up an make me strong! He like me fo tell da peopo eryting bout him, dass why. All da diffren peopos wen hear wat I tell um. An Da One In Charge wen take me out from dat place, jalike from inside da lion mout.

Hosea 11:10

“Bumbye da Israel peopo goin come follow me, Da One In Charge. I goin make one loud noise jalike one lion. Wen I make dat loud noise, My peopo goin come from da islans on da west side, sked an shaking!

Jeremiah 4:7

“Get one guy, Jalike he one lion dat come outa da place he hide. His army guys goin wipe out plenny peopos. Dey wen go way from dea place Fo come wase yoa land An make erybody come bum out. Yoa towns goin come all bus up Cuz no mo nobody goin stay ova dea.

Songs 7:2

If you no do dis, Dey goin rip me up an kill me, jalike one lion Dat drag me some place nobody can get me out.

Job 38:39

“You tink you can hunt da food fo da wahine lion? You tink you can find enuff food fo da odda lions dat stay hungry?

Job 1:19

An right den an dea, one tornado kine wind come from da odda side a da boonies, an hit ery side a da house! Da house fall down on top da young guys, an dey all mahke! Me, I da ony one dat get away fo come tell you dis!”

Census 24:9

Jalike one lion Dey crawl an lay down. An jalike da wahine lion, Nobody like wake her up! “Da ones dat talk good bout you guys, I like good tings happen to dem. Da ones dat try put kahuna on top you guys, I like dem get kahuna on top dem!”

Census 23:24

Look! Da peopo stan up jalike da wahine lion. Dey get ready jalike da lions, Dat no res till dey eat wat dey catch, An drink da blood.”

Start 49:9

Judah, he jalike one young lion. He come big cuz he kill meat fo eat. Jalike da lion, he lay on top da groun, Ready fo jump an kill all da animals. Jalike da lion, no mo nobody goin make um stan up!

Job 5:4

I tell: ‘I like fo his kids stay far from peopo dat can get dem outa trouble! I like fo da judge go smash dem, an fo no mo nobody help dem!

Job 5:15

Da peopo dat get plenny powa, Wen dey talk, can hurt you jalike one sword. But God, he get da peopo dat no mo notting Outa trouble from da strong guys.

Job 20:10

Dea kids gotta give back da stuff dea faddah guys wen rip off From da peopo dat no mo notting. Dey gotta pay um back from da stuff dea faddah own.

Job 29:17

Da guys dat do wass not right, I wen bus up dea teets. I wen grab da peopo dey like kill, so dey no can kill nobody.

Songs 34:11

Eh, my kids! Go come ova hea An lissen me! I goin teach you guys wat mean, Fo get respeck fo Da One In Charge.