Job 26:12 - Hawaii Pidgin Bible

¹² He wack da Rahab sea monsta dat jam up eryting, Cuz he undastan how fo attack um. Den he use his powa fo make da deep ocean come calm!

Job 26:12 Referans Kwoze

Isaiah 51:15

Cuz me Da One In Charge, yoa God, I make da ocean come rough So da waves make big noise. Me, Da One In Charge, Da God Ova All Da Armies. Dass who me.

Jeremiah 31:35

Dis wat Da One In Charge tell, Da One dat tell da sun fo shine day time, An tell da moon an stars dey suppose to shine nite time, Da One dat make da ocean move So da waves make big noise— Da One In Charge, da God Ova All Da Armies, do dat. Dass wat kine god him!

Isaiah 51:9

Isaiah tell, “Wake up! Wake up, Da One In Charge! Make ready fo use yoa powa! Wake up, jalike you wen do long time befo time, Da time oua ancesta guys wen live. Dat time, you wen kill da Egypt army guys Wen dey come afta oua ancesta guys, Jalike you wen stab Rahab da dragon, An chop um up!

Job 12:13

“Da One In Charge, he da One know wat fo do erytime. He get plenny powa. He da One tell peopo wass da bestes ting fo dem do. He undastan plenny stuff.

Job 9:13

God no hold back fo come huhu. Even da sea monsta an his helpa guys stay sked An lay down in front God cuz he win ova dem.

James 4:6

But God like do even mo plenny good tings still yet. Az why da Bible tell, “God stay agains da guy Dat get big head. But da guy dat make shua he da las one, An put da odda guy befo him, God goin do plenny fo dat guy.”

Daniel 4:37

“Now me, Nebukadnezzar da King, I talk good bout da King Inside Da Sky, an tell dat he awesome. Eryting he do stay right. Anybody live his way, dey goin do da right ting too. An he can make da guys dat ack jalike dey big head guys come notting.”

Isaiah 2:12

Da One In Charge, he da God Ova All Da Armies. Goin come one day, he goin go Agains erybody dat get big head, An agains all da peopo dat ack high makamaka. God goin bring down da kine peopo dat tink dey importan. He goin make all dat kine peopo come notting.

Songs 74:13

Was you wen split Da watta inside da sky From da watta inside da ocean, Cuz you strong! Was you wen smash Da heads a da sea monstas On top da watta.

Songs 29:10

Da One In Charge, he get his throne ova da big flood, Da One In Charge, he stay king foeva.

Job 26:11

Wen God tell dat he like bus up da mountains Dat stay jalike da poses fo hold up da sky, Da mountains shake jalike peopo dat sked! Jalike da mountains come futless!