Job 16:3 - Hawaii Pidgin Bible

³ You guys all mout! You guys sick, o wat?! Cuz you no stop argue!

Job 16:3 Referans Kwoze

Job 6:26

You guys like fix wat I tell, Fo make um come right, o wat? You guys tink wat I tell cuz I stay ready fo give up, You tink I not serious, jalike ony da wind?

Job 15:2

“Da guys dat erytime know wat fo do, Wen dey talk, dey goin make sense! Dey no goin fill dea belly wit hot air.

Titus 2:8

Da stuff you tell, gotta be solid, fo nobody tell you donno wat you stay talking bout. Den, if get one guy dat no like wat you tell, he goin come all shame, cuz he no can tell us guys do bad kine stuffs.

Titus 1:11

Eh! Gotta stop um fo no talk lidat no moa. Cuz ery house dey go, dey jam up erybody dea wit da kine tings dey teach. Dey teach da kine tings dey not suppose to teach. An dey not even shame fo charge money fo teach lidat.

Matthew 22:46

An da Pharisee guys neva have notting fo tell. From dat time, erybody sked fo aks him odda kine questions.

Job 20:3

Eh Job! I hear you try fo teach me someting, But you no show respeck fo me. I undastan plenny stuff, Az why I know how fo ansa you.

Job 8:2

“How long you goin talk lidat? Wat you tell, jalike one storm wind dat jam up eryting.

1 Samuel 1:7

Plenny year, weneva dey all go Da One In Charge house, same ting: Peninnah make plenny trouble fo Hannah, so dat Hannah cry plenny, an she no like eat notting.

Job 27:12

Fo shua, all you guys wen see dis kine stuff happen too. So, how come you guys no make sense?!