Job 1:7 - Hawaii Pidgin Bible

⁷ Da One In Charge tell Da One Dat Stay Agains God, “Wea you wen come from?” Da One Dat Stay Agains God tell Da One In Charge, “I stay go all ova da world, checking out hea an dea.”

Job 1:7 Referans Kwoze

1 Peter 5:8

Use yoa head fo know wat fo do erytime! Watch out! Da Devil stay agains you. Dass why he stay go all ova da place jalike one wild lion, looking fo somebody fo him eat up.

Job 2:2

Da One In Charge tell Da One Dat Stay Agains God, “Wea you wen come from?” Da One Dat Stay Agains God tell Da One In Charge, “I stay go all ova da world fo see wat happen hea an dea.”

Matthew 12:43

“Wen one bad kine spirit no bodda one guy no moa, dat spirit go all ova da boonies fo find one place fo res, but da spirit no can find notting.

Jesus Show 20:8

Den Satan goin go out fo bulai all da diffren peopos all ova da world. Dass da Gog an Magog peopo. He goin bring um all togedda fo fight. Dey real plenny—jalike all da sand on top da beach.

Jesus Show 12:9

Da big Dragon, God throw um outa da sky. Dass da ol snake. Dey call um da Devil an Satan, Da One Dat Stay Agains God. He bulai all da peopo inside da world. God throw him an his angel messenja guys down on top da earth.

Zekariah 6:7

Wen da strong horses go out, dey go all out fo go all ova da world. An da angel guy tell um, “Go all ova da world!” Az why dey go all ova da world.

2 Kings 5:25

Den he go inside da house an stan in front his boss Elisha. Elisha aks, “Gehazi, wea you wen go?” Gehazi tell, “Me, yoa worka guy, I neva go no place.”