Job 1:1 - Hawaii Pidgin Bible

¹ Had one guy Job. He live da Uz land. Dat guy, no mo nobody poin finga him. He erytime do da right ting. He get awesome respeck fo God, an stay away from da bad kine stuff.

Job 1:1 Referans Kwoze

James 5:11

You know wat? Wen we tink bout da peopo dat suffa an no give up, we tell, dey can stay good inside. You no foget da guy Job dat da Bible tell bout? He wen suffa plenny, but he neva give up. An bumbye Da One In Charge wen make eryting good. Cuz Da One In Charge feel pity fo us guys, an give us chance.

Ezekiel 14:14

Even if get Noah, Daniel, an Job stay inside dat country, dey da ony ones goin get outa trouble. Cuz dey do da right kine stuff. But dey no can help da odda peopo. Az wat Da One In Charge, da Boss, tell.

Ezekiel 14:20

Fo shua me, Da One In Charge, da Boss, stay alive, an I tell dat no matta Noah, Daniel, an Job stay inside um, dey no can even get dea boys o girls outa dea alive. Ony da three guys goin stay alive cuz dey do wass right.

Job 28:28

An he tell da peopo, ‘You know wat?! If you get choke respeck an stay sked a da Boss Up Dea, Den you goin know wat fo do erytime! An if you stay away from da bad kine stuff, Dat goin show you undastan plenny!’ ”

Job 2:3

Den Da One In Charge tell Da One Dat Stay Agains God, “Wat you tink bout my worka guy Job? No mo nobody on top da earth stay jalike him. He one guy no mo nobody poin finga him. He erytime do da right ting. He get awesome respeck fo me, God, an he stay away from da bad kine stuff. An he still yet come mo strong fo do stuff dat no mo nobody poin finga him, no matta you wen try make me mess him up fo notting.”

Job 1:8

Den Da One In Charge tell Da One Dat Stay Agains God, “Wat you tink bout my worka guy Job? No mo nobody on top da earth stay jalike him. He one guy no mo nobody poin finga him. He erytime do da right ting. He get awesome respeck fo me, God, an he stay away from da bad kine stuff.”

Start 6:9

Dis da Noah story. Noah was one guy dat do da right ting erytime. From all da peopo dat live dat same time, nobody can poin finga Noah, cuz Noah stay tight with God, wateva Noah stay do, az why.

Luke 1:6

Zekariah an his wife do da right tings da way God see um. Eryting Da One In Charge tell um fo do, an all da Rules From God, dey do um. An no mo nobody poin finga dem.

Smart Guys 8:13

(You know, if you sked wen you go In front Da One In Charge Cuz he so awesome, Dat mean, wen somebody do bad kine stuff, you no like dat.) Wen peopo get big head, O wen dey come high makamaka, O wen da way peopo live, dey ony like ack bad, O wen dey tell stuff fo try trick you, I no like dat too.

Start 22:12

Da One In Charge tell um, “Put down da knife, no hurt da boy! No do notting to um. You was ready fo kill um cuz az wat I tell you fo do! But now, I know fo shua dat you get awesome respeck fo me, yoa God. Cuz you neva even hold back from me da ony boy you get, az why.”

Start 17:1

Laytas, wen Abram 99 year ol awready, Da One In Charge let Abram see him. He tell um, “Me, I Da God Dat Get All Da Powa. So, live da way I tell you fo live, an no do notting dat goin make shame.

Sad Song 4:21

You Edom peopo tink you can stay good inside, You guys dat live inside da Uz land. But bad tings goin happen to you guys too. Jalike you guys goin get piloot, an take off all yoa clotheses.

Smart Guys 16:6

Wen you stay real tight wit peopo, An you da kine guy dey can trus, Fo shua, peopo goin know Dat God let you go awready Fo da tings you wen do agains him. Wen you stay sked a Da One In Charge, Fo shua, you goin change An no do bad kine stuff no moa.

2 Kings 20:3

“Da One In Charge! Try no foget, dat all da stuff I do, I no hide um from you. I try erytime fo be da kine guy you can trus, an do eryting I promise fo do. I wen try fo make shua I do ony da kine stuff dat you tell az good.” Den Hezekiah cry real hard.

1 Peter 3:11

He betta not do da bad kine stuff no moa, Ony do da right kine stuff. He gotta like fo real kine Fo learn how fo make good wit erybody, An work hard fo do dat.

Jeremiah 25:20

all da odda kine peopo from diffren place dat live dea, all da king guys fo Uz, all da king guys fo da Filisha peopo (da ones from Ashkelon, Gaza, Ekron, an da peopo dat still yet stay alive Ashdod side),

1 Records 1:42

Ezer boys: Bilhan, Zaavan, an Akan. Dishan boys: Uz an Aran.

1 Records 1:17

Shem boys: Elam, Asshur, Arpakshad, Lud, an Aram. Aram boys: Uz, Hul, Beter, an Meshek.

Outa Egypt 18:21

Same time, from all da peopo, go find an pick guys dat can handle dis job. Pick da kine dat stay sked weneva dey stay in front God cuz dey get awesome respeck fo him. Dey gotta be da kine guys you can trus, an dat no goin make any kine jus fo get plenny money. Make some a dem da main leada guys fo tousan peopo, an odda ones da main leada guys fo hundred peopo, fifty peopo, an ten peopo.

Start 36:28

Dishan, his boys, Uz an Aran.

Start 10:23

Da peopos dat come from Aram: Uz, Hul, Geter, an Mash.

Start 42:18

Afta da three day, Joseph tell da braddah guys, “You know, I one guy dat get awesome respeck fo God. Az how come I stay tell you guys wat you gotta do so you no goin mahke.

Rules Secon Time 18:13

Still yet, you guys gotta be perfeck, no mo blame fo notting, da way you gotta be wit yoa God, Da One In Charge.

Job 4:6

Fo shua, you get awesome respeck fo God, An dat goin make you stay shua. If you know you no mo blame fo notting, Az goin help you wait fo God do someting.

Job 9:21

“No matta I no mo blame, I no give a rip bout me. My life no mean notting to me!

Smart Guys 3:7

“No get big head cuz you tink you real smart An know wat fo do erytime. Mo betta you stay sked a Da One In Charge, Fo stay away from bad kine stuff.

Smart Guys 14:2

Da peopo dat live da right way, Dey show dey get choke respeck fo Da One In Charge. Da peopo dat stay do wrong erytime, Dey show dey no give a rip bout Da One In Charge.

Smart Guys 14:16

Da peopo dat know wat fo do erytime, Dey sked an dass why dey stay outa trouble. Da ones dat tink dey get it but dey no get it, Dey jus jump right inside da trouble an no give a rip.

Smart Guys 16:17

Da peopo dat stay do wass right, Dey no do bad kine stuff. Jalike dey walk on top one road An go aroun so dey no go by one bad place. Whoeva stay watch how he live He take good kea his life.

Smart Guys 20:7

Da kine guy dat do da right ting erytime An live so nobody poin finga him, His kids goin stay good inside, Even afta dea faddah mahke.