Jeremiah 9:8 - Hawaii Pidgin Bible

⁸ Wateva dey tell, az jalike one poison arrow Cuz dey bulai. Dey tell dea frenz, ‘I like eryting come good fo you,’ But inside, dey make plan fo jump um an kill um.

Jeremiah 9:8 Referans Kwoze

Songs 28:3

No drag me away jalike I one bad guy, Da kine guy dat erytime do bad kine stuff, Da kine guy dat talk with dea frenz jalike dey get aloha, But same time, dey tink dey like do bad tings to peopo.

Jeremiah 9:3

Dis da message from Da One In Charge: “Dey get dea mout ready fo bulai, Jalike how you make one bow ready fo shoot arrows. An cuz dey bulai an you no can trus um, Az how dey win inside da land. Dey do one bad kine ting, an den anodda bad kine ting. But me, Da One In Charge, dey donno who me!”

Songs 120:3

All you peopo dat talk Jalike you goin scam me, You no tink God goin punish you guys Way mo fo do dat, o wat?!

Songs 57:4

Weneva I go sleep, Da peopo dat stay agains me, Dey jalike lions all aroun me Dat like eat peopo, An get sharp teet jalike spears an arrows. Wen dey talk, jalike dey cut me Wit one sharp sword.

Songs 55:21

Da tings he wen tell soun nice, But inside, he ony like beef. He talk nice kine, But da tings he tell, Jalike one sword fo stab me.

Songs 12:2

Da peopo talk real nice kine Fo bulai peopo, Dey tell one ting, But dey no mean dat.

2 Samuel 3:27

Wen Abner come back Hebron side, Joab take him inside one small security guard room by da gate. He make jalike he like talk to Abner, jus dem two inside one quiet place. But fo pay back Abner fo kill Joab braddah Asahel, Joab stab Abner in da belly, an he mahke.

Jeremiah 9:5

Ery fren bulai dea fren. No mo nobody tell da trut. Dey teach dea tongue fo bulai. Den dey come tired Cuz dey make eryting come hamajang.

Jeremiah 5:26

“Some a my peopo, dey real bad kine guys. Dey hide an wait fo grab peopo, Jalike da guys dat trap birds, Jalike dey put one trap fo wipe out odda guys.

Songs 64:8

Da tings dey tell, All goin come back to dem An make um wipe out. All da peopo dat see dem Goin run away sked.

Songs 35:20

Cuz dem guys no stay talk bout How fo make eryting Come good fo erybody. Dey ony talk bout how dey goin bulai Da peopo dat no make trouble Inside dea land.

Smart Guys 25:18

Wen somebody see his fren do someting, An he tell da judge Wat he see, But he bulai, Az jalike he stay hit his fren Wit one war club o one sword, O shoot um wit one sharp arrow.

Jeremiah 9:4

Da One In Charge tell, “You guys betta watch out fo yoa frenz! No trus yoa braddah guys. Cuz ery braddah like take away da rights from da odda braddahs. An ery fren, dey like talk bad bout you.

Micah 6:12

All da rich guys from Jerusalem ony like bus up peopo. Da peopo dat live ova dea stay bulai erytime. Erytime dey talk, dey make scam.

Songs 12:3

I like fo Da One In Charge Wipe out all da peopo Dat talk real nice kine Fo bulai peopo. An da peopo dat talk big.

Songs 62:5

Inside, I stay quiet, wait ony fo God. God da ony one I stay wait fo, Cuz I know he goin do someting.

Jeremiah 5:9

You tink I no need punish dem cuz dey make lidat?! No way! You tink I not suppose to pay back dat kine nation?! Not even!” Az wat Da One In Charge tell.