Jeremiah 9:10 - Hawaii Pidgin Bible

¹⁰ Jeremiah tell: “Wen I tink bout da mountains, I like cry an make big noise. I goin sing sad songs bout da mahke peopo, Cuz a da grass inside da boonies Wea da sheep guys wen stay wit dea sheeps. Da grass stay all burn up, No mo nobody go thru dea. You no hear da noise from da cows no moa. Da birds an all da animals, Dey run away awready.”

Jeremiah 9:10 Referans Kwoze

Jeremiah 12:4

“Da land stay coming all dry, An da grass inside ery field stay come wipe out, An da animals an birds go way awready. Cuz da peopo dat live inside dat land do bad kine stuff. How long moa, till you goin make dem stop?! An dose bad peopo stay tell, ‘God no give a rip wat happen to us guys!’ ”

Hosea 4:3

Cuz a dat, all da peopo stay sad inside. Eryting dat live inside da land goin come dry up— Da wild animals inside da boonies, Da birds inside da sky, An da fish inside da watta, dey all goin mahke.

Ezekiel 33:28

I goin make da land come wasted fo erybody come sked go dea. Da peopo ova dea get big head cuz dey strong, but not goin stay lidat. Even da Israel mountains goin come wasted too, an nobody goin pass thru dea no moa.

Ezekiel 29:11

No mo nobody o animals goin go thru dea. No mo nobody goin live dea fo forty year.

Ezekiel 14:15

“O maybe I sen wild kine animals inside dat land fo kill da kids ova dea. An den peopo no can live dea. No mo nobody can go thru dea cuz da wild animals stay run aroun all ova da place.

Jeremiah 12:10

“Get plenny leada guys from anodda place Goin wase wat I wen plant. Dey goin walk all ova my field. Dey goin bus up my nice place! (I stay talking bout wat dey goin do to my peopo!)

Jeremiah 7:29

“ ‘Eh you Jerusalem peopo! Cut yoa hair an make bolohead fo show you stay sad inside. Cut um off an throw um away. Go da trails on top da mountains wea no mo notting grow, An sing one sad song dea. Cuz Da One In Charge had it wit his peopo. He dig out awready from da peopo dat stay hea now. He throw um out cuz he stay real huhu wit dem.’ ”

Sad Song 2:11

I cry till my eyes no can see notting. I suffa inside my gut. Jalike my heart pour out on top da groun. Cuz my Jerusalem peopo come wipe out awready. Da bebes an da kids pass out On top da streets inside Jerusalem.

Sad Song 1:16

“Dass why I stay cry plenny. No mo nobody stay nea fo make me feel mo betta. No mo nobody stay hea fo make me come strong inside. My kids, no mo notting. Cuz da peopo dat stay agains us guys win awready!”

Jeremiah 23:10

All ova da land, get plenny peopo Dat ack jalike one wahine dat fool aroun behind her husban back, Cuz dey go fool aroun wit da odda gods. Da land get kahuna on top um, Cuz da peopo no do wat dey tell God dey goin do. Az how come da whole land look dry jalike stay mahke. Da places inside da boonies wea get grass, stay dry. Az cuz da guys dat suppose to talk fo God, Dey ony do wat dey like do, an az bad. Dey no use dea powa da right way.

Jeremiah 14:6

Da wild kine donkeys Stan on top da high hills wea no mo grass. Dey breave hard jalike da wild jackal kine dogs cuz no mo watta. Dea eyes no can see good cuz no mo notting grow dea fo eat.”

Jeremiah 8:18

Jeremiah tell, “I real sad! No way I can come good from dat! Inside, I come weak.

Jeremiah 2:6

Dey neva even tink fo aks, ‘Wea Da One In Charge stay, Da One dat wen bring us guys hea outa Egypt? He da One wen bring us guys thru da boonies Wea up country eryting dry, An get plenny gulch wea no mo watta, An get real dark kine place wea can mahke. Wea no mo nobody go thru dea, An no mo nobody live ova dea.’

Isaiah 49:19

No matta no mo notting Jerusalem side, An da town stay all bus up, An yoa land all jam up yet, I stay shua, da town goin be too small Fo all da peopo live dea. An all da guys dat wen make you guys dea slave, Dey goin go way one far place.

Isaiah 41:15

“An you know wat I goin do cuz a all dat? I goin make you Israel peopo come strong Fo bus up erybody dat stay agains you. You goin come jalike da kine wood frame Dat get two sides sharp, wit plenny teets. Da cows pull da wood frame On top da wheat dey wen harves, Fo bus up da wheat an take out da junks. Az Jalike you goin broke up da mountains An smash da hills. An afta dat, Ony goin be like da junk kine stuffs dat blow away.

Jeremiah 50:3

Goin get one peopo Come from da north side An attack Babylon town. Dey goin wase da Babylon land. So no mo nobody goin live ova dea. Da peopo an da animals all goin run away from dea, But dey not goin know wea dey going.’ ”

Ezekiel 27:2

“Eh! You, Fo Real Kine Guy! Sing one sad song bout Tyre town.

Joel 1:13

You pries guys, put on burmbag clotheses Fo show you stay sad inside. Cry loud, you guys dat work in front da altar. Wear burmbag clotheses all nite, You guys dat work in front my God. Cuz no mo da wheat an barley sacrifices an da drink sacrifices, No mo notting fo bring inside da Temple Fo Yoa God.

Joel 1:19

Da One In Charge, you da one I yell to fo help! Cuz da fire wen burn up da grass inside da boonies, An burn all da trees country side.

Amos 5:1

Amos tell: “You peopo from da Israel ohana! Lissen wat I goin tell bout you guys! Dis one funeral kine song, you know. Me, Amos, I stay make um fo you guys. Dis da song:

Amos 5:16

“Cuz a wat you guys wen do, dis wat my God, Da One In Charge, tell—he my Boss, da God Ova All Da Armies: “ ‘Inside ery town, goin hear peopo crying fo you guys. Ery open place, ery street, da peopo goin yell, “Bummahs! Bummahs!” Dey even goin tell da farm worka guys Fo go town fo go da funeral, an cry fo you guys cuz you mahke. Da peopo dat know how fo sing da funeral songs, Dey goin pay um fo yell plenny fo you guys afta you mahke.

Micah 2:4

Dat time, peopo goin sing one song bout you guys. Dey goin make fun a you guys. Dey goin ack jalike dey cry an make long face. Dey goin sing dis sad song: ‘Da One In Charge split up oua property! He take away da land from oua peopo! Now us no mo notting! He give oua fields to da guys dat wen make us prisonas!’ ”

Jeremiah 2:15

Da ones dat stay agains da Israel peopo, Dey make big noise wen dey go afta dem, Jalike da lion make noise wen he start fo hunt. Da ones dat stay agains da Israel peopo wase da land. Dey make dea towns come one junk pile, An no mo nobody live dea no moa.

Jeremiah 12:11

Goin come one wasted place. Make me come sore inside wen I see dat empty land. Da whole land stay bus up Cuz no mo nobody kea bout um.

Sad Song 5:18

No mo notting stay on top da Temple hill dat dey call Mount Zion. Ony da wild jackal kine dogs go aroun dea.

Ezekiel 6:6

Wea eva you guys live, I goin wase da towns, an wipe out da sacrifice places. Cuz a dat, yoa altars goin come wasted. I goin smash yoa idol kine gods, an broke yoa incense altars, an wipe out da stuff you guys wen make.

Micah 3:12

Fo shua, cuz a you guys, Da peopo dat stay agains us goin plow Mount Zion jalike az one field. Jerusalem town goin come all bus up. Da hill wea da Temple Fo God stay, Goin get ony bushes all ova.”