Jeremiah 6:15 - Hawaii Pidgin Bible

¹⁵ You tink dey come shame fo da pilau kine stuff dey do?! No way! Dey no mo shame! Dey no even know how fo ack jalike dey shame. Az why dey goin get kill same time da odda peopo get kill. Dey goin fall down wen I punish dem.” Az wat Da One In Charge tell.

Jeremiah 6:15 Referans Kwoze

Jeremiah 8:12

You tink dey come shame cuz dey do pilau kine stuff? Nah! Dey no mo shame! Dey no even know how fo ack jalike dey shame! Az why dey goin fall down Wit da odda peopo dat get kill. I goin bring dem down Wen I come fo punish dem!” Az wat Da One In Charge tell.

Matthew 15:14

Laytas wit dem awready! Dey jalike one blind guy stay go aroun, an show anodda blind guy wea fo go. Bumbye da two blind guys goin fall down inside one puka.”

Jeremiah 3:3

Az why I wen hold back da Novemba rain, An no mo March rain too. But you guys make hard head Jalike one hoa. You guys no let nobody make you come shame.

Philippi 3:19

Dem guys, bumbye dey goin come wipe out. Dey ony live fo eat. Dey do shame kine stuff all da time, an dey talk real big wen dey make lidat. Dey da guys dat ony like tink bout da kine stuff from dis world.

Zefaniah 3:5

But Da One In Charge, he stay dea inside da town, An he do da right kine tings. He no do wass wrong! Ery morning he judge da peopo da right way. Ery new day he no let nobody down. Still yet, dose peopo dat no do wass right, Dey no mo shame!

Micah 7:4

Even da bestes kine guy dea, He jalike one bush wit thorns all ova um. Da guy wit dem dat do da mos right kine stuff, He still mo worse den one plant wit thorns! “Dis, da time yoa guys dat watch fo messages from God Wen talk bout awready. Az time awready fo God punish you guys. Now erybody stay all mix up.

Micah 3:6

Az why nite time goin make eryting dark fo you guys. You guys no goin dream notting. Goin come all dark, So you guys no can make ceremony fo find out Wass goin happen afta. Da sun goin go down fo you guys dat tell you talk fo me, Wat you guys stay do no goin be lidat no moa!

Hosea 9:7

Da time fo punish you stay come. Az da time fo pay you back, cuz you wen make lidat. Make shua da Israel peopo know dat! You guys do plenny bad kine stuff, An you guys hate me plenny. Az why you guys tink da guys dat talk fo God Do bad kine stuff an no bodda dem, An you tink da guys dat lissen God Spirit, pupule.

Ezekiel 24:7

Cuz da blood from da peopo you Jerusalem guys wen kill stay dea inside yoa town! You Jerusalem guys pour da blood ova one big rock dat no mo dirt. You no pour um on top da groun cuz you no like da dirt cova um up.

Ezekiel 2:4

I stay sen you by one hard head peopo dat no like change. Go tell dem, ‘Dis wat Da One In Charge, da Boss, tell.’

Jeremiah 23:12

“Az why no matta wea dey go, Dey goin slip an fall down. I goin make dem go one dark kine place An dey goin fall down ova dea. I goin make real bad kine stuff happen to dem, Wen time fo me punish dem.” Az wat Da One In Charge tell.

Jeremiah 5:29

Da One In Charge tell, “You tink I no need punish dem fo all dis stuff?! I goin punish dem! You tink I no goin pay back dat kine peopo fo dis?! I goin pay um back!

Jeremiah 5:9

You tink I no need punish dem cuz dey make lidat?! No way! You tink I not suppose to pay back dat kine nation?! Not even!” Az wat Da One In Charge tell.

Isaiah 10:4

Ony one ting you can do—give up! Cuz wat goin happen to you, mo worse den da prisona guys! O you can fall down on top da groun wit da odda mahke bodies, Cuz wat goin happen to you, mo worse den wat happen to da guys dey kill! An Da One In Charge stay huhu wit da Israel peopo still yet, An he stay ready fo bus um up.

Isaiah 3:9

Da way dea face look, Show dey no stay do da right kine ting. Dey talk big bout da bad kine stuff dey do, Jalike da peopo inside Sodom. Dey no try hide wat dey do. Bummahs! Dey da ones dat bring da horraz on top dem.

Smart Guys 29:1

Da kine guy dat make deaf ear Cuz peopo tell um ova an ova He do wrong an he betta stop, Fo real Da One In Charge goin bring down dat guy one time. Cuz no way da guy can come good bumbye.

Outa Egypt 32:34

Now, you go. Take da peopo da place I wen tell you fo go. Goin get one angel messenja guy from me dat goin go in front a you. An wen da time come fo me fo punish peopo, I goin punish da ones dat wen do da bad kine stuff.”

Jeremiah 8:9

Dese peopo dat tink dey know wat fo do erytime, Dey goin come shame. Dey goin come sked Jalike dey fall down inside one trap. Az cuz dey tell “Laytas” to wat Da One In Charge tell. So den, how come you guys tink Dey mo smart fo real? Dey know wat fo do erytime, o wat?!

Jeremiah 18:23

But you, Da One In Charge, you know all dea plans fo kill me. No let dem go cuz a da wrong tings dey do! Make dem so dey no can stay tight wit you Wen dey get da blame fo do wat stay wrong. No foget da bad kine stuff dey do in front you! Make um fall down in front you! Make to dem how you like wen you stay real huhu!”

Jeremiah 44:10

Even today you guys no show you come sorry fo wat you wen do. You guys no show respeck fo me. You no follow my rules, an all da stuff I wen tell you guys an yoa ancesta guys dat you gotta do.

Ezekiel 13:14

I goin broke down da wall dat you guys put da white paint on top um. I goin make um fall down flat fo see ony da foundation. Wen da wall fall down, you guys goin come wipe out too. Den you goin know dat me Da One In Charge.

Zefaniah 2:1

You Judah guys dat no shame, Bring da whole nation togedda!

Zekariah 13:4

“Dat time, all dem dat talk fo da odda gods goin come shame fo tell dea dreams. Dey no goin put on da kine clotheses dat da guys dat talk fo da odda gods make from animal kine hair, fo bulai da peopo.

Start 19:34

Da nex day, da older daughtah tell da younga daughtah, “Eh! Las nite, I wen go sleep wit oua faddah. We go do da same ting tonite. We give um plenny wine fo drink, den you go sleep wit him fo him an us get kids an make oua ohana stay alive.”

Jeremiah 14:15

Az why dis wat I tell bout da talka guys dat use my name an tell dey talk fo me, Da One In Charge: Me, I neva sen dem guys, no matta dey tell ‘Inside dis land, no goin get war. Da peopo no goin come hungry.’ Dose same talka guys goin get wipe out wit war, an dey goin come hungry an mahke.

Hosea 4:5

You guys trip an fall down day time. An nite time, da guys dat talk fo God trip an fall down jalike you guys. Az why I goin wipe out da Israel nation Dass jalike yoa muddah!