Jeremiah 51:21 - Hawaii Pidgin Bible

²¹ I goin use you guys fo bus up da horses An da guys dat ride um, Fo bus up da war wagons An da guys dat drive um.

Jeremiah 51:21 Referans Kwoze

Outa Egypt 15:1

Den Moses an all da Israel peopo sing fo Da One In Charge lidis: “I like make one song fo Da One In Charge, Cuz he awesome, da way he show how big he stay! He wen throw da horses an da guys dat ride um inside da sea.

Zekariah 10:5

Togedda dey goin be strong jalike army guys Dat step all ova da ones dey fight in da mud. Cuz Da One In Charge stay wit dem, Dey goin fight an win even ova da guys on top da horses.

Zekariah 12:4

Da One In Charge tell, “Dat time I goin wack ery horse from da odda peopos fo make um come real sked, an make da guys dat ride um come pupule. I goin take kea da Judah ohana, but I goin make all da odda peopo horses so dey no can see notting.

Haggai 2:22

I goin throw out kings an dea thrones, an wipe out da powa dat da kings from da odda lands get. I goin wipe out da war wagons an da guys dat ride um. Da horses goin fall down an da guys dat ride um goin kill each odda.

Nahum 2:13

Da One In Charge, Da God Ova All Da Armies, tell dis: “You know wat?! Me, I stay agains you Nineveh peopo. I goin burn up yoa war wagons in smoke! Odda armies goin wipe out yoa young guys wit swords, No matta dey skery jalike lions! I no goin let you guys kill notting fo eat no moa! No mo nobody goin lissen yoa messenja guys one mo time!”

Micah 5:10

Da One In Charge tell: “Dat time, I goin wipe out yoa war horses, An bus up yoa war wagons.

Jesus Show 19:18

You birds can eat up all da peopo dat goin mahke! da kings, da army bosses, da strong guys, horses an da guys dat ride on top um, an all da odda peopo—da slave guys, da guys dat not slaves, big guys an litto guys.”

Songs 46:9

An all ova da world, He make peopo pau fight So dat no mo war. He broke dea bows fo shoot arrow, An broke dea spears too, An burn up dea shields wit fire.

Ezekiel 39:20

From my table, you guys goin come full cuz you eat up plenny horses an da guys dat ride um, spesho forces guys, an all kine army guys.’ Az wat me Da One In Charge, da Boss, tell.

Jeremiah 50:37

Goin get war Agains da Babylon guys horses an war wagons, An agains all da army guys From odda countries dat stay wit dem. Dey goin come real sked an lose fight, jalike dey wahines. Goin get war Fo take away all dea rich kine stuff. Da army guys from anodda place goin rip um off.

Songs 76:6

Wen you scold dem, Da horses an da guys dat ride um Fall down an pass out, Cuz you da same God Oua ancesta Jacob wen pray to.

Outa Egypt 15:21

Miriam, she give um dis song fo sing back to her: “I sing fo Da One In Charge! He awesome fo real kine! Da horses an da guys dat ride um, God throw um all inside da Red Sea!”

Outa Egypt 15:4

“Da Pharaoh guy wen sen army guys an wagons fo war. But God, he throw um inside da sea! Even da bestes officer guys dat Pharaoh get, Dey go down awready inside da Red Sea.

Isaiah 43:17

Da One In Charge make da strong Egypt army guys go out, Wit dea war wagons an da horses, all togedda. Dey all fall down dea, an no get up one mo time. Dey all mahke, jalike wen you pio one candle. Da One In Charge da One dat tell dis: