Jeremiah 51:20 - Hawaii Pidgin Bible

²⁰ “You Babylon guys, you jalike my war club fo fight, My war club fo make war. Wit you, I goin use you fo bus up da peopos, An fo wipe out kings an dea peopos.

Jeremiah 51:20 Referans Kwoze

Micah 4:13

Da One In Charge tell: “You guys my Jerusalem peopo, Get up an go drag da heavy board wit plenny spike Fo clean da junks from my peopo, Jalike dey wheat fo clean! Cuz I goin make you guys strong Jalike one bull dat get iron horns an bronze feets. You goin bus up plenny peopos! You goin give all dea rich kine stuffs to Da One In Charge, Jalike da stuffs az one sacrifice fo him. Da stuff dey get wen dey bus up odda peopos, Goin be fo Da One In Charge, Da Boss fo all da peopos inside da world!”

Isaiah 37:26

“ ‘Eh Sennakerib, you neva hear, o wat? From long time me, Da One In Charge, wen start fo make all dis happen, Befo time, I wen make da plan dat way awready, An now I stay make um happen— Fo you bus up da towns dat get strong wall An make um come uku pile a rocks,

Matthew 22:7

“An den da king come so wild wit dem, he sen his army guys fo kill da guys dat wen kill his worka guys. Den da army guys burn up da whole town.

Jeremiah 50:23

Fo shua, befo time da Babylon army was jalike one sledge hamma Dat wen bus up da whole earth. But now, dat hamma stay all bus up An da handle all broke. Babylon stay da kine place Dat make all da odda nations tink, “Skery, wat happen hea?!”

Jeremiah 25:9

I goin call all da peopos from da north fo come togedda. I goin call King Nebukadnezzar fo come too from Babylon. He do my work fo me, an I goin bring him an da odda peopos agains dis land an da peopo dat live hea, an agains all da peopos aroun hea. I goin wipe dem all out, jalike oua peopo wipe out one animal wen dey make one sacrifice. Dass how I goin make erybody come shock an shake dea head, an come real sore inside cuz a dem. No goin get notting dea, all da time afta dey come wipe out.

Isaiah 10:5

God tell: “Bummahs fo you guys! I goin use da Assyria peopo jalike one club fo punish you, Cuz I stay huhu wit you Israel peopo, An I goin make da Assyria guys wack you!

Jeremiah 25:11

Dis whole land goin come dry an no goin get nobody live ova dea. Anybody go by dea goin come shock. All dese peopos goin work hard fo da Babylon king fo seventy year.” Az wat Da One In Charge tell.

Isaiah 10:15

You tink da ax mo betta den da guy dat swing um? Da saw mo betta den da guy dat use um? You tink da club goin lif da guy dat carry um? Da stick fo walk goin lif somebody dat use um? No way!

Isaiah 13:5

His army guys all stay come from one far place, From unda da mos far part a da sky. Az Da One In Charge stay coming wit dem, An he goin use dat army Fo punish da peopo he stay huhu wit. Da One In Charge goin wipe out da whole land!

Isaiah 8:9

“All you diffren peopos, Go do all da bad kine stuff you do! Den you goin lose fight cuz you sked. Lissen, you peopo in all da far places in da world, Get ready fo fight! But you goin lose fight cuz you sked. You, get ready fo fight one mo time! But you goin lose fight one mo time, cuz you sked.

Isaiah 45:1

Dis one spesho message from Da One In Charge Fo one guy he pick awready: “Dis fo King Cyrus! I take his right hand fo help him, Cuz I goin make him win Wen he go afta da peopo inside odda countries. I goin take away da sword an sword belt From da odda kings, so dey no can fight. Az how I goin open doors fo Cyrus go inside. Even da big town gates no goin stay shut in front him!

Ezekiel 21:31

I goin show dat I stay huhu An pay you back. I goin turn you ova to da skery hit men, Guys dat know how fo take peopo out.

Micah 4:12

But da Jerusalem guys donno wat Da One In Charge plan fo do. Dey no can tink why he bring dem ova dea fo punish dem, Goin be jalike wen da farma guys harves da wheat An bring um one place Fo go drag one heavy board wit plenny spikes ova dem Fo clean out da junks from da wheat.

Nahum 2:1

Get guys stay come Dat goin smash you Nineveh peopo! Guard yoa strong wall! Watch da road! Make ready! Come real strong!

Zekariah 10:4

One guy az importan jalike one corna block stay importan fo one building goin come from da Judah ohana. One guy goin stay importan Jalike one tent peg stay importan fo one tent, An importan jalike one bow stay importan fo fight. Ery leada guy goin come from Judah!

Ezekiel 21:11

“ ‘Dis one sword somebody can polish An somebody can grab um fo use um. You know how come stay all sharp an polish lidat? Cuz dass fo kill peopo!’