Jeremiah 51:19 - Hawaii Pidgin Bible

¹⁹ Da One da Jacob peopo get fo be dea God, He not jalike dose idol kine gods! Cuz he da One wen make eryting. He make da Israel ohana peopo fo come his peopo. Dass Da One In Charge, da God Ova All Da Armies.

Jeremiah 51:19 Referans Kwoze

Jeremiah 10:16

Da One da Jacob peopo get fo be dea God, He not jalike dose idol kine gods! Cuz he da One wen make eryting. He make da Israel ohana peopo fo come his peopo. Da One In Charge, he Da God Ova All Da Armies, Az wat kine god him!

Songs 73:26

No matta my body an my heart Come litto mo poho, You make me stay strong inside, Jalike one rock. An da one ting I get fo shua, Is you, God, foeva.

1 Peter 2:9

But you guys da one God wen pick. You da pries guys fo da King. You guys da peopo dat stay spesho fo God. God tell, “Dey mines!” bout you guys, fo you guys tell erybody all da good stuff God wen do. He tell you guys fo come outa da bad kine stuff an stick wit da good kine stuff he like us fo do. Jalike you wen go outa da dark an come inside da awesome light.

Songs 33:12

Da country dat get Da One In Charge fo dea God, Eryting goin go good fo dem. Dey goin be da peopo Dat God pick fo be his peopo.

Isaiah 47:4

Da One dat wen free us guys up From da bad kine stuff we do, Da One In Charge, Da God Ova All Da Armies, Dass his name. Him, da Good An Spesho God fo da Israel peopo.

Sad Song 3:24

I figga, “I get Da One In Charge fo my share, so I no need notting moa. Az why I goin wait fo him fo help me.”

Jeremiah 50:11

“Cuz you Babylon guys Stay real good inside, An make jalike you da winnas, Da time you wen rip off my property, You guys wen feel good jalike one young girl kine cow Dat jump aroun all ova da grass. O jalike one strong boy kine horse Dat stay yell cuz he stay real good inside!

Songs 135:4

Cuz Da One In Charge wen pick Oua ancesta guy Jacob Fo come his spesho boy, Da same Jacob guy Dat Da One In Charge wen give Da name Israel, Da One In Charge pick him Fo be his guy.

Songs 115:3

Dis how stay wit oua God: He live inside da sky An he do wateva he like do.

Songs 74:2

No foget da peopo dat stay come Togedda fo pray to you, Da ones dat long time befo time You wen buy um Fo be one peopo Dat stay tight wit you. No foget Mount Zion, wea get Da Temple wea you stay.

Songs 16:5

Eh! You Da One In Charge! Da main ting I get cuz I yoa kid, I get you! You, you make good tings happen fo me, Cuz you stay in charge a eryting dat goin happen to me.

Rules Secon Time 32:9

Da One In Charge wen pick his peopo, Fo come dea God. Da peopo dat come from Jacob, Dey his property.

Jeremiah 10:12

Da One wen make da earth, was Da One In Charge, Cuz he get powa. He da One make da world stay how stay Cuz he know wat fo do erytime. Jalike he spread out da sky Cuz he know da bestes way fo make um lidat.

Jeremiah 33:2

“Dis wat me, Da One In Charge, tell: Me, Da One In Charge, I make da plan An I shape um an put um togedda. Az wat kine god me, Da One In Charge.

Jeremiah 50:34

But da One dat goin get da Israel peopo outa trouble, stay strong. Dass Da One In Charge, da God Ova All Da Armies, Az wat kine god him. He goin stan up fo dem Fo dem res real good inside dea land. But he goin bring trouble Fo da peopo dat live inside Babylon.”

Isaiah 51:13

How come you guys foget Dat me, Da One In Charge, I da One wen make you?! I spread out da sky An put down da foundation fo da earth. So, how come you guys stay real sked ery day, Cuz you tink bout da peopo dat stay mad An give you guys hard time, Cuz dey huhu wit you guys, An dey stay ready fo wipe out you guys. But wat dey goin do cuz dey mad? Notting!

Jeremiah 51:5

Cuz Da One In Charge, da God Ova All Da Armies, He no goin bag from da Israel an Judah peopo, Jalike one husban leave his wife wen he mahke. No matta da Israel an Judah peopo get plenny blame fo wat dey do, Da way Da One In Charge see um, He da Good An Spesho God fo da Israel peopo.