Jeremiah 51:13 - Hawaii Pidgin Bible

¹³ You guys dat live by da big rivas an watta ditches, You guys dat get plenny rich kine stuffs, Pau awready fo you guys! Time fo you guys get wipe out!

Jeremiah 51:13 Referans Kwoze

Jesus Show 17:1

Den, jalike one dream, one a da seven angel messenja guys dat get da seven bowl wen come tell me, “Go come fo me show you how God goin punish da big hoa dat get her throne nea da big ocean.

Jesus Show 17:15

Den da angel messenja guy tell me, “Da big ocean you wen see, wea da hoa get her throne, dass peopos, nations, countries, an languages.

Isaiah 45:3

I goin give you all da rich kine stuffs Dat dose nations keep inside dark secret places. Da rich kine stuffs dat peopo hide Inside one place wea nobody know. Den you goin know dat me Da One In Charge, Da God fo da Israel peopo. I call you by yoa name fo come by me.

Jeremiah 51:36

Az why Da One In Charge tell dis: “You know wat?! I goin fight fo you guys. I goin pay back da Babylon guys Fo wat dey do to you guys. I goin dry up da place dea watta come from An make dea pukas fo watta come dry.

Start 6:13

God tell Noah, “I look all da peopo in front me. All ova da world, dey ony figga how fo bus up each odda. But me, you know wat I goin do? I goin wipe um all out big time!

Jesus Show 18:19

Dey throw dirt on top dea heads fo show dey sad, An dey cry an stay sad inside. Dey talk loud an tell, “Horraz! Horraz! Babylon, da big town! All us guys dat wen get boats on top da ocean, Us come rich, cuz we bring rich stuffs to Babylon! In one hour dat town wen get wipe out!”

2 Peter 2:3

Dey greedy guys, da teachas dat bulai. Dey goin tell you guys any kine make up stories fo dem make choke plenny money from you guys. But you know, God da Judge. He no sleep! From long time, he stay ready fo punish dem an wipe um out fo shua. But he still stay waiting fo do dat.

1 Peter 4:7

Da time wen eryting goin come pau goin come pretty soon. So you guys, use yoa head, an watch out how you ack, fo you pray good.

Amos 8:2

Den Da One In Charge tell me, ‘Eh Amos! Wat you see ova dea?’ ” I tell um, “One basket. Inside, get da kine fruits dat ony get summa time.” Den Da One In Charge tell me, “Dass jalike my Israel peopo. Litto bit mo an dey goin come wipe out jalike da fruits. No way I goin let dem go one mo time an no punish dem!”

Daniel 5:26

“Dis wat mean: ‘mene’ mean dat God count how much time you stay da king, an he tell you pau awready.

Sad Song 4:18

Guys hunt us wea eva we go. Fo us no walk inside oua open squares. Us no mo plenny time fo stay alive. Us goin mahke real fas.

Jeremiah 50:37

Goin get war Agains da Babylon guys horses an war wagons, An agains all da army guys From odda countries dat stay wit dem. Dey goin come real sked an lose fight, jalike dey wahines. Goin get war Fo take away all dea rich kine stuff. Da army guys from anodda place goin rip um off.

Jeremiah 50:31

Dis wat Da One In Charge, da God Ova All Da Armies, tell: “Eh! You get big head. An me, I stay agains you. Da time stay come fo me punish you now.

Jeremiah 50:27

Kill all da bull kine Babylon army guys! Take um down to da killing place! Ho! Da time stay come fo punish dem.

Jeremiah 17:11

“Da guy dat come rich but he no do um da right way, He jalike da partridge bird, Dat sit on top her eggs but some a dem not born. Wen dat guy make thirty-five, da rich stuffs he wen steal, all gone awready, An wen he mahke, peopo goin tell he stupid.”

Isaiah 43:14

Dis, da message from Da One In Charge, Da One dat pay da price Fo get you guys outa trouble, Da Good An Spesho God fo da Israel peopo. He tell: “Fo help you guys, I goin sen army guys Babylon side. I goin make da Babylon peopo run away on top da boats Dat befo time dey make um look real nice. I goin make dem go down da Eufrates riva An run away.

Isaiah 57:17

Wen dey do bad kine stuff, An dey come greedy fo get eryting fo ony dem, I punish dem, An no do notting good fo dem Cuz I real huhu. But still yet, dey do Wateva dey tink az good.

Songs 137:1

Us wen sit down By da rivas Babylon side An cry plenny, Cuz we tink plenny bout how Jerusalem town stay all bus up.