Jeremiah 50:13 - Hawaii Pidgin Bible

¹³ Cuz Da One In Charge tell ‘Laytas’ to wat da Babylon peopo stay do, No mo nobody goin live ova dea. Erybody dat pass by Babylon goin make big noise So da bad kine spirits no come nea, Cuz da town stay all bus up.

Jeremiah 50:13 Referans Kwoze

Jeremiah 18:16

Odda peopo goin bus up dea land. Odda peopo goin come shock erytime dey see um. Erybody dat go by dea goin come bum out. Dey goin shake dea heads cuz all bus up da land.

Jeremiah 49:17

“Edom goin come da kine land Dat make peopo come shock wen dey see um. All da peopo dat go by dea goin come bum out, Cuz all ova da land, eryting stay all bus up.

Zekariah 1:15

But I stay real huhu wit da odda peopos dat tink notting bad goin happen to dem. Befo time I stay ony litto bit huhu, but dose guys wen make mo worse tings happen to my peopo.’

Zefaniah 2:15

Dis da big town wea da peopo wen stay amp out. Dey figga dey safe dea. Dey tell each odda, “Us guys, Numba One! No mo nobody stay jalike us!” But bummahs! Dea big town wen come all bus up. Ony get wild animals live ova dea! Erybody dat walk by um Ack sked an feel good cuz da town gone awready!

Jeremiah 51:37

Babylon goin come one big pile a rocks from da ol buildings, One place wea da jackal kine wild dogs can hide. I goin bus up dis big town so no get notting dea, An peopo goin come shock wen dey see Babylon. An no mo nobody goin live ova dea.

Jeremiah 25:12

An Da One In Charge tell: “But wen da seventy year pau, I goin punish da Babylon king an his peopo an wipe out dea land, cuz dey get da blame fo da bad kine stuff dey wen do. An I goin wipe out dea land foeva, an dis goin make peopo come shock foeva.

Jeremiah 19:8

I goin bus up dis big town so no goin get notting dea, an peopo goin come shock wen dey see um. Erybody dat pass by dea goin come bum out. Dey goin come shock cuz da town stay all bus up.

Job 27:23

Jalike da wind clap hands an make fun a dem, An hiss wen he blow um outa dea place.”

Rules Secon Time 29:22

“Yoa kids dat goin come bumbye, an da peopo from far place goin see all da bad kine stuff dat stay come on top da land, an da kine sick dat Da One In Charge give um.

Jeremiah 34:22

I tell dem right now fo come back Jerusalem town. Dey goin fight um an burn um up. I goin wase da towns Judah side fo no mo nobody live ova dea.’ ” Dass wat Da One In Charge tell.

Jeremiah 50:3

Goin get one peopo Come from da north side An attack Babylon town. Dey goin wase da Babylon land. So no mo nobody goin live ova dea. Da peopo an da animals all goin run away from dea, But dey not goin know wea dey going.’ ”

Jeremiah 51:26

Nobody goin even take one stone block from yoa town Fo make one corna block. An nobody goin even take one stone block from yoa town Fo make one foundation. Cuz yoa town goin stay all wipe out foeva!” Az wat Da One In Charge tell.

Jeremiah 51:29

Da land shake an move jalike stay hurt, Cuz Da One In Charge know wat he like do, An fo shua he goin do um! He goin wase da Babylon land, So dat no mo nobody goin live ova dea.

Jeremiah 51:62

Den tell, ‘Da One In Charge, you da One wen tell dat you goin wipe out dis place! Da peopo an da animals no goin live hea no moa! Ova hea goin stay all wipe out foeva!’

Ezekiel 27:36

Da trader guys dat go aroun wea da diffren peopos live Tell “Dass horraz!” wen dey tink bout you Tyre peopo. Real horraz, da way you come wipe out! An foevas you no goin be no moa!’ ”